వివాదాస్పద ఇంగ్లాండ్ పేసర్ ఓల్లీ రాబిన్సన్కు అనూహ్య ఉపశమనం లభించింది. స్త్రీ వివక్ష, జాత్యహంకార పోస్టుల కారణంగా నిషేధం విధించిన ఇంగ్లాండ్, వేల్స్ క్రికెట్ బోర్డు (ఈసీబీ).. అంతలోనే అతడిపై కనికరం చూపింది. దీంతో భారత్తో జరగబోయే ఐదు మ్యాచ్ల టెస్టు సిరీస్కు అతడు అందుబాటులో ఉండనున్నాడు.
ఇదీ ఈసీబీ వివరణ..
"రాబిన్సన్ విద్వేషపూరిత ట్వీట్లపై దర్యాప్తు జరిపిన క్రమశిక్షణ కమిషన్ ప్యానెల్ అతడిపై రూ.3.30లక్షల జరిమానా సహా 8 మ్యాచ్ల నిషేధం విధించింది. వాటిలో ఐదింటిని రెండేళ్లపాటు వాయిదా వేసింది. మిగిలిన 3 మ్యాచ్ల సస్పెన్షన్ను వెంటనే అమలు చేయాలని చెప్పింది. అయితే దర్యాప్తు కారణంగా న్యూజిలాండ్తో రెండో టెస్టు, సస్సెక్స్ టీ20లో రెండు మ్యాచ్లకు అతడు దూరంగా ఉండటాన్ని శిక్ష అనుభవించినట్లుగానే ప్యానెల్ భావించింది. దీంతో అతడు తక్షణం ఇంగ్లాండ్ తరఫుడు ఆడేందుకు అర్హుడు" అని ఈసీబీ శనివారం వెల్లడించింది.
ఇవీ చూడండి:
