Pakistan Vs Afghanistan World Cup 2023 : సెమీస్​ రేసులో ఆ టాప్​ జట్లు.. పాక్​, అఫ్గాన్​ సంగతేంటి ?

Pakistan Vs Afghanistan World Cup 2023 : అప్పుడు ఇంగ్లాండ్.. ఇప్పుడు పాకిస్థాన్​.. పసికూనలే అని అంచనా వేసిన వారికి ఓటమి రుచి చూపించింది అఫ్గానిస్థాన్​ జట్టు. దీంతో సెమీస్​కు చేరుకోనున్న టాప్​ జట్ల జాబితాలోకి చేరుకునే అవకాశాలను మెరుగుపరుచుకుంది. మరోవైపు అఫ్గాన్​ జట్టు చేతిలో ఓటమి పాలై డీలా పడ్డ పాక్​ జట్టు కూడా సెమీస్​లో తన స్థానం కోసం పోటీపడునుంది. ఇంతకీ ఈ రెండు జట్లలో ఏది సెమీస్​కు చేరుకోనుందంటే ?

Pakistan Vs Afghanistan World Cup 2023 : వన్డే ప్రపంచకప్​లో భాగంగా సోమవారం జరిగిన మ్యాచ్​లో పాకిస్థాన్‌ జట్టుపై ఎనిమిది వికెట్ల తేడాతో అద్భుత విజయాన్ని సాధించింది అఫ్గానిస్థాన్​​ టీమ్​. పసికూన జట్టు అని తక్కువ అంచనా వేసిన వారందరికీ కంగు తినిపించేలా ఆడి.. పాయింట్ల పట్టికలో ఆరో స్థానానికి ఎగబాకింది. ఇటీవలే ఇంగ్లాండ్​తోనూ ఇదే తీరులో ఆడి విజయకేతనం ఎగురవేసిన అఫ్గాన్​ జట్టు.. ఈ మ్యాచ్​తో సెమీస్​కు చేరుకునే అవకాశాలను మెరుగుపరుచుకుంది. అయితే వారి చేతిలో మరో నాలుగు మ్యాచ్‌లు మిగిలి ఉన్నందున.. సెమీస్​కు చేరుకోవడం అంత సులభం కాదని విశ్లేషకుల అంచనా.

ప్రస్తుతం ఈ గెలుపును ఆస్వాదిస్తున్న అఫ్గాన్​ జట్టు.. అక్టోబర్ 30న పుణెలో శ్రీలంకతో, నవంబర్ 3న లఖ్​నవూలో నెదర్లాండ్స్‌తో తలపడనుంది. అక్కడ కూడా అఫ్గాన్​దే పై చేయిలా కనిపిస్తోంది. ఇక నవంబర్ 7న ముంబయిలోని వాంఖడే స్టేడియం వేదికగా ఆస్ట్రేలియాతో అలాగే నవంబర్ 10న అహ్మదాబాద్‌లోని నరేంద్ర మోదీ స్టేడియంలో దక్షిణాఫ్రికాతో అఫ్గానిస్థాన్ జట్టు.. చివరి రెండు లీగ్ గేమ్‌లు ఆడనుంది.

• Look, what this win means for us! 🤩
  
  Incredible scenes in Chennai! 👏#AfghanAtalan | #CWC23 | #AFGvPAK | #WarzaMaidanGata pic.twitter.com/G17vJ9gl5q

  — Afghanistan Cricket Board (@ACBofficials) October 23, 2023 " class="align-text-top noRightClick twitterSection" data="

  Look, what this win means for us! 🤩
  
  Incredible scenes in Chennai! 👏#AfghanAtalan | #CWC23 | #AFGvPAK | #WarzaMaidanGata pic.twitter.com/G17vJ9gl5q

  — Afghanistan Cricket Board (@ACBofficials) October 23, 2023

  ">

  Look, what this win means for us! 🤩
  
  Incredible scenes in Chennai! 👏#AfghanAtalan | #CWC23 | #AFGvPAK | #WarzaMaidanGata pic.twitter.com/G17vJ9gl5q

  — Afghanistan Cricket Board (@ACBofficials) October 23, 2023

కానీ ప్రస్తుతం పాయింట్ల పట్టికలో టాప్​లో ఉన్న దక్షిణాఫ్రికా, ఆస్ట్రేలియా జట్లును చిత్తు చేయడం అఫ్గాన్​కు కాస్త కష్టంగా మారచ్చు. అయితే ఇప్పుడున్న పరిస్థుతుల్లో ఏ రోజు ఏం జరుగుతుందో చెప్పలేం. ఏదేమైనప్పటికీ అఫ్గాన్​ మాత్రం ఇప్పుడున్న దూకుడును ప్రదర్శిస్తే తప్పకుండా సెమీస్​కు చేరే అవకాశాలు ఉన్నాయని అంటున్నారు.

World Cup 2023 Pakistan Team : అఫ్గానిస్థాన్ చేతిలో ఓటమి వల్ల పాకిస్థాన్​ ఇప్పుడు తేలుకోని పరిస్థితిలోకి వెళ్లిపోయింది. ఇప్పటి వరకు అఫ్గన్​ చేతిలో వన్డే మ్యాచ్ ఓడని పాక్ సేన .. ఏకంగా వరల్డ్ కప్‌లో ఓటమిని ముూటగట్టుకుంది. దీంతో ఈ మెగా టోర్నీలో పాకిస్థాన్​ జట్టు సెమీస్​కు చేరుకునే అవకాశాలు కూడా బాగా దెబ్బతిన్నాయి.