ODI World Cup 2023 IND VS PAK : వన్డే వరల్డ్‌కప్‌-2023లో భాగంగా పాకిస్థాన్తో జరుగుతున్న మ్యాచ్లో టీమ్ఇండియా పేసర్లు అద్భుతంగా రాణించారు. పాక్ జట్టును 191 పరుగులకు కట్టడి చేశారు. వికెట్ల మోత మోగించారు.
సిరాజ్‌ తొలి వికెట్‌.. మహ్మద్‌ సిరాజ్‌ కట్టుదిట్టంగా బౌలింగ్‌ చేశాడు. ఎనిమిదో ఓవర్లో పాక్ ఓపెనర్‌ అబ్దుల్లా షఫీక్ను(20) ఎల్బీడబ్ల్యూగా పంపి భారత్‌కు తొలి వికెట్‌ అందించాడు. ఇక 12.3వ ఓవర్లో పేస్‌ ఆల్‌రౌండర్‌ హార్దిక్ పాండ్య.. మరో ఓపెనర్‌ ఇమామ్‌ ఉల్‌ హక్ను(36) పెవిలియన్‌కు పంపాడు. అయితే 24.3వ ఓవర్లో కుల్దీప్‌ యాదవ్‌ బౌలింగ్‌లో పాక్ కెప్టెన్ బాబర్‌ ఆజామ్ను అంపైర్‌ కాల్‌తో లైఫ్‌ లభించగా.. హాఫ్ సెంచరీ పూర్తి చేశాడు.
ఒకే ఓవర్లో రెండు వికెట్లు.. ఆర్ధ శతకం పూర్తి చేసుకున్న తర్వాత మూడో బంతికే సిరాజ్‌.. బాబర్‌ను అద్భుతమైన డెలివరీతో బౌల్డ్‌ చేసి టీమ్ఇండియాకు మూడో వికెట్‌ అందించాడు. అనంతరం స్పిన్నర్‌ కుల్దీప్‌ యాదవ్‌ 32వ ఓవర్లో.. రెండో బంతికి సౌద్‌ షకీల్ను(6) ఎల్బీడబ్ల్యూ చేసి.. అదే ఓవర్ ఆఖరి బంతికి ఇఫ్తికర్‌ అహ్మద్ను(4) క్లీన్ బౌల్డ్‌ చేశాడు.
వరుస ఓవర్లలో ఆ ఇద్దరినీ .. 34 ఓవరల్లో పాక్ స్టార్‌ బ్యాటర్‌, వికెట్‌ కీపర్‌ మహ్మద్‌ రిజ్వాన్‌ 49వ పరుగుల వ్యక్తిగత స్కోరు వద్ద ఉండగా.. బుమ్రా అద్భుతంగా అతడిని బౌల్డ్‌ చేసి ఔట్ చేశాడు. ఆ మరుసటి ఓవర్లోనే షాదాబ్‌ ఖాన్‌ను కూడా బౌల్డ్‌ చేశాడు. అనంతరం హార్దిక్ పాండ్య.. మహ్మద్‌ నవాజ్ను(4), రవీంద్ర జడేజా .. హసన్‌ అలీ(12), హ్యారిస్‌ రవూఫ్‌ను పెవిలియన్‌కు పంపి.. పాకిస్థాన్ కథను 42.5 ఓవర్లకే ముగించేశారు.
ఐదుగురూ సరిసమానంగా.. మొత్తంగా టీమ్ఇండియా బౌలర్లలో పేసర్లు సిరాజ్‌, బుమ్రా, పాండ్య.. స్పిన్నర్లు జడేజా, కుల్దీప్‌ తలో రెండు వికెట్లు తీసి పాక్ బ్యాటింగ్‌ ఆర్డర్‌ పతనాన్ని సరిసమానంగా పంచుకున్నారు. 2 ఓవర్లు బౌలింగ్‌ చేసిన పేస్‌ ఆల్‌రౌండర్‌ శార్దూల్‌ ఠాకూర్‌ మాత్రం ఏం తీయలేకపోయాడు.
హార్దిక్ సెలబ్రేషన్స్.. టీమ్ఇండియా స్టార్‌ ఆల్‌రౌండర్‌ హార్దిక్ పాండ్యా.. మ్యాచ్ ప్రారంభంలో క్రీజులో పాతుకుపోతన్న పాకిస్థాన్ ఓపెనర్‌ ఇమామ్‌ ఉల్‌-హక్ను.. తన మూడో ఓవర్లో మాత్రం అద్భుతంగా ఔట్ చేశాడు. పాక్ ఇన్నింగ్స్‌ 13 ఓవర్లో మూడో బాల్ను వైడ్‌ ఆఫ్‌స్టంప్‌ దిశగా సంధించగా.. ఇమామ్‌ కవర్‌ డ్రైవ్‌ షాట్‌ ఆడటానికి ట్రై చేశాడు. బాల్ ఎడ్జ్‌ తీసుకుని వికెట్‌ కీపర్‌ రాహుల్‌ చేతికి చిక్కింది. దీంతో స్టేడియం దద్దరిల్లింది. హార్దిక్ సెలబ్రేషన్స్ చేసుకున్న వీడియో వైరల్ అయింది.
సిరాజ్‌ సూపర్‌ డెలివరీ.. పాకిస్థాన్ కెప్టెన్ బాబర్‌ అజామ్ను.. టీమ్ఇండియా స్టార్‌ పేసర్‌ మహ్మద్‌ సిరాజ్‌ అద్బుతమైన బంతితో బోల్తా కొట్టించడం కూడా బాగా వైరల్ అయింది. పాక్ ఇన్నింగ్స్‌ 30 ఓవర్లో సిరాజ్‌ నాలుగో బంతిని గుడ్‌లెంగ్త్‌ దిశగా వేశాడు. ఆ బంతిని పాక్ కెప్టెన్.. థర్డ్‌మ్యాన్‌ దిశగా ఆడటానికి ట్రై చేశాడు. అయితే బాల్.. బాబర్‌ బ్యాట్‌కు మిస్సై ఆఫ్‌ స్టంప్‌ను గిరాటేసింది. దీంతో బాబర్‌ ఒక్కసారిగా షాక్‌ అయ్యాడు.
