Legends League Cricket: రిటైర్మెంట్ ప్రకటించిన క్రికెటర్ల కోసం లెజెండ్స్ లీగ్ క్రికెట్ టోర్నీ నిర్వహించబోతున్నారు. ఒమన్, మస్కట్ వేదికగా జరగబోతున్న ఈ టోర్నీలో మూడు జట్లు పాల్గొనబోతున్నాయి. అందులో భారత ఆటగాళ్లు ఇండియా మహారాజా జట్టులో ఆడనున్నారు. ఇప్పటికే సెహ్వాగ్, హర్బజన్ సింగ్, యువరాజ్లతో కూడిన జట్టును ప్రకటించగా తాజాగా మరో ఇద్దరు టీమ్తో కలవనున్నారు. మాజీ క్రికెటర్లు మహ్మద్ కైఫ్, స్టువర్ట్ బిన్నీలు కూడా జట్టులో చేరబోతున్నట్లు యాజమాన్యం ప్రకటించింది.
మొదటి సీజన్ జనవరి 20 నుంచి ప్రారంభంకానుంది. ఇందులో మూడు జట్లు పాల్గొనబోతున్నాయి. ఇండియా మహారాజా టీమ్తో పాటు ఆసియా లయన్స్, రెస్టాఫ్ ది వరల్డ్ జట్లు పోటీపడబోతున్నాయి. ఇప్పటికే ఇండియాతో పాటు ఆసియా లయన్స్ జట్లను ప్రకటించాయి. రెస్టాఫ్ ది వరల్డ్ జట్టును ప్రకటించాల్సి ఉంది.
జట్లు ఇవే..
ఇండియా మహారాజా
వీరేంద్ర సెహ్వాగ్, యువరాజ్ సింగ్, హర్భజన్ సింగ్, ఇర్ఫాన్ పఠాన్, యూసుఫ్ పఠాన్, మహ్మద్ కైఫ్, స్టువర్ట్ బిన్నీ బద్రినాథ్, ఆర్పీ సింగ్, ప్రజ్ఞాన్ ఓజా, మన్ప్రీత్ గోనీ, హేమంగ్ బదాని, వేణుగోపాల్ రావు, మునాఫ్ పటేల్, సంజయ్ బంగర్, నయన్ మోంగియా, అమిత్ భండారి
ఆసియా లయన్స్
షోయబ్ అక్తర్, షాహిద్ అఫ్రిదీ, సనత్ జయసూర్య, ముత్తయ్య మురళీధరన్, కమ్రన్ అక్మల్, చమింద వాస్, రోమేష్ కలువితరన, దిల్షాన్, అజార్ మహ్మూద్, ఉపుల్ తరంగ, మిస్బావుల్ హక్, మహ్మద్ హఫీజ్, షోయబ్ మాలిక్, మొహమ్మద్ యూసఫ్, ఉమల్ గుల్, అస్గర్ అఫ్గాన్.
