క్రికెట్.. వివక్ష చూపని ఆటగా నిలవాలంటే 'బ్యాట్స్మన్' అనే పదాన్ని తొలగించాలని మెరిల్బోన్ క్రికెట్ క్లబ్ అభిప్రాయపడింది. ఈ పదానికి బదులుగా లింగ బేధం చూపని 'బ్యాటర్' అనే పదాన్ని వాడనున్నట్లు ప్రకటించింది. సబ్ కమిటీతో ప్రత్యేకంగా చర్చలు జరిపిన అనంతరం ఈ నిర్ణయం తీసుకున్నట్లు ఎమ్సీసీ పేర్కొంది.
"చివరగా 2017లో అంతర్జాతీతయ క్రికెట్ కౌన్సిల్, పలు మహిళా క్రికెటర్ల సూచన మేరకు.. బ్యాట్స్మన్, బ్యాట్స్మెన్ అనే పదాలను ఉపయోగించేందుకు అంగీకరించాం. అయితే.. ప్రస్తుతం క్రికెట్లో అధునాతన మార్పులు తీసుకొచ్చేందుకుగాను బ్యాటర్, బ్యాటర్స్ అనే పదాలు వాడాలని నిర్ణయించుకున్నాం. బౌలర్, ఫీల్డర్ మాదిరిగానే ఈ బ్యాటర్ అనే పదం కూడా అందరికీ ఆపాదించేలా ఉంటుంది."
--మెరిల్బోన్ క్రికెట్ క్లబ్.
మహిళల క్రికెట్కు ప్రపంచవ్యాప్తంగా ఆదరణ పెరుగుతోంది. ఈ నేపథ్యంలో మహిళలు, బాలికలు ఆటలు ఆడేలా ప్రోత్సహించేందుకు క్రికెట్ పరిభాషలో కొన్ని పదాలు మార్చాల్సి ఉంది. అయితే.. ఇప్పటికే పలు పాలక వర్గాలు, మీడియా సంస్థలు 'బ్యాటర్' అనే పదాన్ని ఉపయోగిస్తున్నాయి. ఈ నేపథ్యంలో.. క్రికెట్లో ఈ విధమైన మార్పులు తీసుకువచ్చినందుకు ఆనందంగా ఉందని ఎమ్సీసీ అసిస్టెంట్ సెక్రటరీ జేమీ కాక్స్ తెలిపారు.
ఇదీ చదవండి:
IPL 2021: రహానె, మిశ్రా.. ఆ రికార్డుకు చేరువలో
IPL 2021: సన్రైజర్స్ ఆటగాడికి కరోనా.. మ్యాచ్ మాత్రం యథావిధిగా
