ప్రపంచటెస్టు ఛాంపియన్షిప్ ఫైనల్కు(WTC Final) ముందు సరైన మ్యాచ్ ప్రాక్టీస్ లేకుండా బరిలోకి దిగితే సారథి కోహ్లీ, రోహిత్ శర్మ ఇబ్బందిపడొచ్చని టీమ్ఇండియా మాజీ క్రికెటర్ దిలీప్ వెంగ్సర్కార్ అభిప్రాయపడ్డాడు. ప్రత్యర్థి న్యూజిలాండ్.. ఈ ఫైనల్కు ముందు ఇంగ్లాండ్తో రెండు టెస్టులు ఆడటం వారికి కలిసొచ్చే అంశమని అన్నాడు.
"కోహ్లీ చాలా కాలంగా ఆడుతున్నాడు. ప్రపంచ క్రికెట్లో ఉత్తమ బ్యాట్స్మెన్లో ఒకడు. విరాట్(Kohli), రోహిత్ శర్మ(Rohit Sharma) వరల్డ్ క్లాస్ ప్లేయర్స్. వారిద్దరూ మంచి ఫామ్లో ఉన్నారు. కానీ మ్యాచ్ మ్యాచ్ ప్రాక్టీస్ లేకపోవడం.. ఫైనల్లో వారిని ఇబ్బంది పెడుతుందని అనుకుంటున్నాను. టీమ్ఇండియా మంచి ఫామ్లో ఉన్నప్పటికీ.. న్యూజిలాండ్కు ఈ ఛాంపియన్షిప్ ముందు ఇంగ్లాండ్తో ఆడటం కలిసొచ్చే అంశం. వారు అక్కడి పరిస్థితులకు అలవాటు పడతారు. కాబట్టి భారత జట్టు కూడా కనీసం రెండు, మూడు మ్యాచ్లు ఆడితే బాగుండేది"
-దిలీప్ వెంగ్సర్కార్, టీమ్ఇండియా మాజీ క్రికెటర్.
భారత జట్టు.. ప్రస్తుతం సౌథాంప్టన్‌లో సాధన చేస్తోంది. జూన్‌ 18-22వరకు న్యూజిలాండ్‌తో డబ్ల్యూటీసీ ఫైనల్లో(WTC Final) తలపడుతుంది. ఆ తర్వాత అక్కడే ఆగస్టు 4- సెప్టెంబర్ 14 మధ్య ఇంగ్లాండ్తో ఐదు టెస్టుల సిరీస్ ఆడుతుంది.
ఇదీ చూడండి Kohli x Williamson: 'పోటీ కాదు.. ముందుకు నడిపించాలి'
