Joe Root Records: ఆస్ట్రేలియాతో యాషెస్ సిరీస్లో భాగంగా ఇంగ్లాండ్ కెప్టెన్ జో రూట్ ఓ అరుదైన రికార్డు సాధించాడు. తొలి ఇన్నింగ్స్లో డకౌట్ అయిన రూట్ రెండో ఇన్నింగ్స్ మూడో రోజు ఆట ముగిసేసరికి 86 పరుగులు చేసి నాటౌట్గా నిలిచాడు. దీంతో ఈ ఏడాది క్యాలెండర్ ఇయర్లో అత్యధిక పరుగులు చేసిన ఆటగాళ్ల జాబితాలో అగ్రస్థానంలో కొనసాగుతున్నాడు. 1541 రన్స్ చేసిన రూట్.. టెస్టు క్రికెట్లో ఓ క్యాలెండర్ ఇయర్లో అత్యధిక పరుగులు చేసిన ఇంగ్లాండ్ మాజీ సారథి మైకేల్ వాన్ను అధిగమించాడు.
అయితే.. శనివారం మ్యాచ్లో కూడా రూట్ తన జోరును కొనసాగిస్తే.. మరిన్ని రికార్డులు సొంతం చేసుకోవడం ఖాయం. మరో మూడు పరుగులు చేస్తే ఆస్ట్రేలియా మాజీ కెప్టెన్ రికీ పాంటింగ్ 2005లో చేసిన 1544 పరుగుల రికార్డును సమం చేస్తాడు. దీంతో అన్ని క్యాలెండర్ ఇయర్లలో కలిపి తక్కువ ఇన్నింగ్స్లలో అత్యధిక పరుగులు చేసిన జాబితాలో నాలుగో స్థానానికి చేరుకుంటాడు.
పాక్ ఆటగాడే నంబర్ 1..
2006లో 11 టెస్టుల్లో 99.33 సగటుతో 1788 పరుగులు చేసిన పాకిస్థాన్ ఆటగాడు మహ్మద్ యూసుఫ్ అగ్రస్థానంలో కొనసాగుతున్నాడు. భారత ఆటగాళ్లు సచిన్ తెందూల్కర్ 1562 పరుగులు(2010), సునీల్ గావస్కర్ 1555 పరుగులతో(1979) ఐదు, ఆరో స్థానాల్లో ఉన్నారు.
1976లో 11 టెస్టుల్లో 1710 పరుగులు చేసిన వెస్టిండీస్ బ్యాటర్ వివ్ రిచర్డ్స్ రెండో స్థానంలో ఉండగా.. 2008లో 15 మ్యాచ్ల్లో 1656 పరుగులు చేసిన సౌతాఫ్రికా ఆటగాడు గ్రీమ్ స్మిత్ మూడో స్థానంలో ఉన్నాడు.
ఆస్ట్రేలియా మాజీ సారథి మైకేల్ క్లార్క్(2012లో 1595 పరుగులు) నాలుగో స్థానంలో ఉన్నాడు.
ఈ ఏడాది రూట్ ఆరు సెంచరీలు సాధించాడు. ఇందులో రెండు ద్విశతకాలు, రెండు అర్ధశతకాలు కూడా ఉన్నాయి.
ఇదీ చదవండి:
టెస్టుల్లో సచిన్ చెక్కుచెదరని రికార్డు.. నేటికి 16 ఏళ్లు!
Ashes Proposal: యాషెస్ టెస్టులో లవ్ ప్రపోజల్.. తర్వాత ఏమైందంటే?
Ashes 2021: తొలి టెస్టులో పట్టుబిగిస్తున్న ఆసీస్.. ఇంగ్లాండ్ 107/2
