Jasprit Bumrah Baby : టీమ్ఇండియా స్టార్ పేసర్ జస్ప్రీత్ బుమ్రా తండ్రయ్యాడు. అతడి భార్య సంజనా గణేశన్ సోమవారం ఉదయం పండంటి మగ బిడ్డకు జన్మనిచ్చింది. ఈ విషయాన్ని బుమ్రా స్వయంగా సోషల్ మీడియాలో వెల్లడించాడు. " చిన్న కుటుంబం కాస్త పెరిగింది. ఈరోజు ఉదయాన్నే మా కుమారుడు 'అంగద్ జస్ప్రీత్ బుమ్రా' (Angad Jasprit Bumrah) జన్మించాడు. మా సంతోషానికి అవధుల్లేవ్. మా లిటిల్ బాయ్కు ఈ ప్రపంచంలోకి స్వాగతం" అని రాసుకొచ్చాడు. ఈ సందర్భంగా బుమ్రాకు పలువురు క్రీడా ప్రముఖులు, అతడి ఫ్యాన్స్ సోషల్ మీడియాలో శుభాకాంక్షలు తెలుపుతున్నారు.
టీవీ ప్రజెంటర్, మాజీ మిస్ ఇండియా ఫైనలిస్ట్ అయిన సంజనా గణేశన్తో.. బుమ్రా కొంతకాలం ప్రేమాయణం నడిపించాడు. తర్వాత 2021 మార్చ్ 15న గోవాలో కొవిడ్ ఆంక్షల మధ్య అతి తక్కువ మంది సమక్షంలో బుమ్రా.. ఆమెను పెళ్లాడాడు.
Bumrah Asia Cup 2023 : ఇక తన భార్య డెలివరీ కారణంగా.. ఆసియా కప్ కోసం శ్రీలంకలో ఉన్న బుమ్రా ఆదివారం రాత్రి భారత్కు తిరిగి వచ్చేశాడు. సోమవారం నేపాల్తో జరిగే మ్యాచ్కు బుమ్రా అందుబాటులో లేడు. ఈ మ్యాచ్లో బుమ్రా స్థానాన్ని మహ్మద్ షమీ భర్తీ చేయనున్నాడు. అయితే సూపర్ 4 మ్యాచ్లకు బుమ్రా మళ్లీ జట్టుతో కలుస్తాడని టీమ్ఇండియా మేనేజ్మెంట్ ఇప్పటికే స్పష్టం చేసింది.
ఆసియా కప్ 2023 గ్రూప్-ఏలో భారత్ 1 పాయింట్తో రెండో స్థానంలో ఉంది. ఇక 3 పాయింట్లతో అగ్రస్థానంలో ఉన్న పాకిస్థాన్.. సూపర్ 4కు అర్హత సాధించింది. ఇక సోమవారం భారత్, నేపాల్తో తలపడనుంది. సూపర్ 4 కు చేరేందుకు ఈ మ్యాచ్.. ఇరుజట్లకు కీలకం. అయితే వర్షం కారణంగా ఆట రద్దైతే.. ఇరు జట్లకు చెరోపాయింట్ లభిస్తుంది. దీంతో రెండు పాయింట్లతో భారత్ నేరుగా సూపర్ 4 కు అర్హత సాధిస్తుంది.
ఇటీవలె రీ ఎంట్రీ..
Bumrah Return : గతేడాది గాయపడిన బుమ్రా.. దాదాపు పది నెలలపాటు జట్టుకు దూరంగా ఉన్నాడు. రీసెంట్గా పూర్తి ఫిట్నెస్ సాధించి.. ఐర్లాండ్ పర్యటనకు కెప్టెన్గా ఎంపికయ్యాడు. ఇక బుమ్రా నాయకత్వంలోని టీమ్ఇండియా.. మూడు మ్యాచ్ల టీ20ల సిరీస్ను 2-0తో కైవసం చేసుకుంది.
బుమ్రా బౌలింగ్ సీక్రెట్పై ఐసీసీ వీడియో
Bumrah Ireland T20 : టీ20ల్లో బుమ్రా ఎంట్రీ.. అతని ముందున్న ఆ రెండు ఛాలెంజస్ ఇవే..
