టెస్టు క్రికెట్లో భాగమవ్వడం వల్ల తనలోని ఆత్మవిశ్వాసం మరింత మెరుగైందని అంటున్నాడు టీమ్ఇండియా, ఆర్సీబీ స్పిన్నర్ వాషింగ్టన్ సుందర్. ఇంగ్లాండ్, ఆస్ట్రేలియా వంటి జట్లపై ఆడడం వల్ల తనలోని ఆత్మవిశ్వాసం రెట్టింపు అయ్యిందని తెలిపాడు.
"టెస్టు క్రికెట్లో రాణించడం.. ఏ క్రికెటర్కైనా ఆత్మవిశ్వాసాన్ని పెంచుతుంది. టీమ్ఇండియాలో భాగమై.. క్రికెట్లో అత్యుత్తమ స్థాయి ఫార్మాట్ను ఆడడం వ్యక్తిగతంగా నాకు చాలా బాగుంది. ప్రతి క్రికెటర్ కనే కల ఆ ఫార్మాట్లో రాణించడం.. అది నా విషయంలో నెరవేరింది. ఆస్ట్రేలియా, ఇంగ్లాండ్ వంటి బలమైన జట్లపై గెలవడం వల్ల నాలోని ఆత్మవిశ్వాసం పెంపొందింది. ఇదే విశ్వాసంతో నేను భవిష్యత్లోనూ రాణించగలనని భావిస్తున్నా".
- వాషింగ్టన్ సుందర్, ఆర్సీబీ స్పిన్నర్
వరుసగా రెండో ఏడాది ఐపీఎల్ను ఖాళీ స్టేడియాల్లో నిర్వహించడంపై వాషింగ్టన్ సుందర్ స్పందించాడు. "ఖాళీ స్టేడియాల్లో ఐపీఎల్ ఆడడం వరుసగా ఇది రెండో ఏడాది. అయితే ఇప్పుడు ఆ పరిస్థితులకు అలవాటు పడ్డాం. కానీ, ప్రేక్షకులు ఆటగాళ్లలో ఉత్సాహాన్ని నింపుతారని నమ్ముతాను. ఏదీ ఏమైనా ఇలాంటి సంక్షోభంలోనూ క్రికెట్ ఆడడం సంతోషం కలిగించే విషయం" అని అన్నాడు.
ఇదీ చదవండి : టీ20 ర్యాంకింగ్స్: రెండో ర్యాంకులో బాబర్.. కోహ్లీ@5
