ఐపీఎల్ 2021లో (IPL 2021 News) మరో ఆసక్తికర పోరుకు రంగం సిద్ధమైంది. తొలిసారి ఐపీఎల్ టైటిల్ కోసం ఉవ్విళ్లూరుతున్న రాయల్ ఛాలెంజర్స్ బెంగళూరు (ఆర్సీబీ), పంజాబ్ కింగ్స్ (RCB vs PBKS) తలపడనున్నాయి. ఈ క్రమంలో టాస్ గెలిచిన బెంగళూరు (RCB Won The Toss) బ్యాటింగ్ ఎంచుకుంది.
గెలిస్తే ప్లేఆఫ్స్కే..
ఈ మ్యాచ్ ఇరు జట్లకూ ఎంతో కీలకం. ఇందులో విజయం సాధిస్తే కోహ్లీసేన ప్లేఆఫ్స్ బెర్తును (IPL Play Offs) ఖరారు చేసుకుంటుంది. ఇప్పటికే 14 పాయింట్లతో మూడో స్థానంలో కొనసాగుతున్న ఆ జట్టు.. పంజాబ్‌ను ఓడిస్తే ఏ అడ్డంకులు లేకుండా ప్లేఆఫ్స్‌లోకి దూసుకెళ్తుంది. మరోవైపు పంజాబ్ 10 పాయింట్లతో కొనసాగుతుండటంతో టాప్‌4లో నిలవాలంటే ఈ మ్యాచ్ తప్పక గెలవాలి.
బెంగళూరు జట్టు ఎలాంటి మార్పులు లేకుండానే బరిలో దిగుతోంది (RCB vs PBKS Playing 11). పంజాబ్లో ఫేబియన్ బదులు హర్ప్రీత్, హుడా స్థానంలో సర్ఫరాజ్ ఖాన్, ఎలిస్ స్థానంలో హెన్రిక్స్ ఆడనున్నారు.
జట్లు:
రాయల్ ఛాలెంజర్స్ బెంగళూరు: విరాట్‌ కోహ్లీ (కెప్టెన్), దేవ్దత్ పడిక్కల్, శ్రీకర్ భరత్ (వికెట్ కీపర్), ఏబీ డివిలియర్స్‌, గ్లెన్‌ మాక్స్‌వెల్, డేనియెల్‌ క్రిస్టియన్, జార్జ్ గార్టన్, హర్షల్‌ పటేల్‌, మహ్మద్ సిరాజ్‌, షాబాజ్‌ అహ్మద్‌, యుజ్వేంద్ర చాహల్‌.
పంజాబ్ కింగ్స్: కేఎల్ రాహుల్ (కీపర్/కెప్టెన్), మయాంక్ అగర్వాల్, మార్క్రమ్, నికోలస్ పూరన్, సర్ఫరాజ్ ఖాన్, షారుక్ ఖాన్, హెన్రిక్స్, హర్ప్రీత్ బ్రార్, మహ్మద్ షమి, రివి బిష్ణోయ్, అర్ష్దీప్ సింగ్
