దిల్లీ వేదికగా ముంబయి ఇండియన్స్తో జరుగుతోన్న మ్యాచ్లో రాజస్థాన్ రాయల్స్ బ్యాటింగ్ అదరగొట్టింది. టాస్ ఓడి బ్యాటింగ్కు దిగిన రాజస్థాన్ జట్టు నిర్ణీత 20 ఓవర్లలో 4 వికెట్ల నష్టానికి 171 పరుగులు చేసింది. దీంతో 172 రన్స్ లక్ష్యాన్ని ముంబయి ఛేదించాల్సి ఉంది. రాజస్థాన్ రాయల్స్ కెప్టెన్ సంజూ శాంసన్(42) టాప్ స్కోరర్.
ఓపెనర్లు జోస్ బట్లర్(41), యశస్వీ జైశ్వాల్(32) జట్టుకు శుభారంభాన్నిచ్చారు. ఆ తర్వాత బ్యాటింగ్కు వచ్చిన కెప్టెన్ సంజూ శాంసన్(42), శివమ్ దూబే(35) కలిసి మంచి భాగస్వామ్యాన్ని నెలకొల్పారు. చివర్లో బ్యాటింగ్ చేసిన రియాన్ పరాగ్(7), డేవిడ్ మిల్లర్(8) ఫర్వాలేదనిపించారు. ముంబయి బౌలర్లు రాహుల్ చాహర్ 2, ట్రెంట్ బౌల్ట్ , బుమ్రా చెరో ఒక వికెట్ను పడగొట్టారు.
