ముంబయి ఇండియన్స్ వికెట్ కీపింగ్ సలహాదారు కిరణ్ మోరేకు కరోనా నెగిటివ్గా తేలింది. ఏప్రిల్ 6న వైరస్ బారిన పడిన ఈ మాజీ ఆటగాడు.. కోలుకున్నట్లు జట్టు యాజమాన్యం బుధవారం వెల్లడించింది.
"కిరణ్ మోరే కొవిడ్-19 బారి నుంచి పూర్తిగా కోలుకున్నారు. దీంతో ఆయన ఐసోలేషన్ పూర్తైంది. మూడుసార్లు చేసిన ఆర్టీ-పీసీఆర్ పరీక్షల్లో మోరేకు నెగిటివ్ వచ్చింది".
- ముంబయి ఇండియన్స్ ట్వీట్
"బీసీసీఐని సంప్రదించిన తర్వాత కిరణ్ మోరేను జట్టులోకి చేర్చుకుంటాం. బోర్డు నిబంధనలను అనుసరించి ముంబయి ఇండియన్స్ బయోబబుల్లోకి ఆయనను ఆహ్వానిస్తాం" అని ఫ్రాంచైజీ మరో ట్వీట్లో వెల్లడించింది.
ఇదీ చూడండి: 'జట్టులో అతనొక్కడికే.. మిగతావారికి నెగటివ్'
