ఇండియన్ ప్రీమియర్ లీగ్ 16వ సీజన్లో భాగంగా ముంబయితో జరుగుతున్న మ్యాచ్లో దిల్లీ క్యాపిటల్స్ జట్టు ఇన్నింగ్స్ ముగిసింది. ముంబయికి 173 పరుగుల లక్ష్యాన్ని నిర్దేశించింది. టాస్ ఓడిపోయి బ్యాటింగ్కు చేసిన దిల్లీ.. 19.4 ఓవర్లలో 172 పరుగులు చేసి ఆలౌట్ అయింది. దిల్లీ ఓపెనర్ డేవిడ్ వార్నర్(51) అద్భుత ప్రదర్శన చేశాడు. మనీశ్ పాండే(26) ఫర్వాలేదనిపించారు. మనీశ్ మినహా.. వార్నర్ తర్వాత వచ్చిన పృథ్వీ షా(15), యశ్ ధుల్(2), పావెల్(4), లలిత్ యాదవ్(2) తక్కువ పరుగులతే వెనుదిరిగారు. అనంతరం వచ్చిన అక్షర్ పటేల్(54) పరుగలు చేసి.. వార్నర్తో కలసి స్కోర్ బోర్డ్ను పరుగులు పెట్టించాడు. ఇక ముంబయి బౌలర్లు చెలరేగిపోయారు. పీయుశ్ చావ్లా(3), జేసన్(3) వికెట్లు పడగొట్టి చెలరేగిపోయారు. హృతిక్(1), రీలీ మెరెడిత్(2) వికెట్లు పడగొట్టారు.
ఇదివరకే ఆడిన మూడు మ్యాచ్ల్లో ఓడిపోయన దిల్లీ.. ముంబయితో జరుగుతున్న ఈ మ్యాచ్లో కూడా అంతగా రాణించలేదు. అక్షర్ పటేల్, డేవిడ్ వార్నర్ తప్పా.. మిగతా వాళ్లందరూ పేలవ ప్రదర్శన చేశారు. ఓపెనర్గా దిగిన డేవిడ్ వార్నర్ హాఫ్ సెంచరీ పూర్తి చేశాడు. అతడి తర్వాత వచ్చి వారందరిలో మనీశ్, పృథ్వీ షా తప్పా మిగతా వారందరూ సింగిల్ డిజిట్ స్కోరుకే పెవీలియన్ చేరారు. అందులో కుల్దీప్ యాదవ్ డకౌట్ అయ్యాడు.
దిల్లీ తన మొదటి మ్యాచ్ లఖ్నవూ సూపర్ జెయింట్స్తో ఆడింది. ఆ మ్యాచ్లో 50 పరుగుల తేడాతో ఘోర పరాజయం పాలైంది. రెండో మ్యాచ్లోనైనా తేరుకుంటుంది అనుకుంటే.. గుజరాత్ టైటాన్స్ చేతిలో 6 వికెట్ల తేడాతో ఓటమి మూటగట్టుకుంది. ముచ్చటగా మూడో మ్యాచ్లో దిల్లీని 57 పరుగులతో తేడాదో ఓడించింది రాజస్థాన్ రాయల్స్ జట్టు. ముంబయి కూడా మొదటి మ్యాచ్లో బెంగళూరు చేతిలో 8 వికెట్ల తేడాతో ఓడిపోయింది. రెండో మ్యాచ్లోనూ ఏం మార్పు లేకుండా 7 వికెట్ల తేడాతో చెన్నై సూపర్ కింగ్స్ జట్టు చేతిలో ఒటమి మూటగట్టుకుంది.
దిల్లీ క్యాపిటల్స్ తుది జట్టు: డేవిడ్ వార్నర్ (కెప్టెన్), అభిషేక్ పోరెల్ (వికెట్ కీపర్), పృథ్వీ షా, మనీశ్ పాండే, యశ్ ధుల్, రోవ్‌మన్ పావెల్, లలిత్ యాదవ్, అక్షర్ పటేల్, కుల్దీప్ యాదవ్, అన్రిచ్ నార్టే, ముస్తాఫిజుర్ రెహమాన్
ముంబయి ఇండియన్స్ తుదిజట్టు : రోహిత్ శర్మ(కెప్టెన్), ఇషన్ కిషన్(వికెట్ కీపర్), కామెరూన్ గ్రీన్, నెహాల్ వధేరా, హృతిక్ షోకీన్, అర్షద్ ఖాన్, పీయూష్ చావ్లా, జాసన్, రిలే మెరెడిత్ సూర్యకుమార్ యాదవ్, తిలక్ వర్మ.
