సన్రైజర్స్, కోల్కతా మ్యాచ్ హోరాహోరిగా సాగింది. ఈ మ్యాచ్లో సన్రైజర్స్ 23 పరుగుల తేడాతో గెలుపొందింది. తొలుత బ్యాటింగ్ చేసిన సన్రైజర్స్ హైదరాబాద్ 228 పరుగుల చేసింది. భారీ లక్ష్యంకో బరిలోకి దిగిన కోల్కతా.. 7 వికెట్ల నష్టానికి 205 పరుగుల మాత్రమే చేయగలిగింది. నితీశ్(75), రింకు సింగ్(58) రాణించినా ఫలితం లేకపోయింది.
సన్రైజర్స్ నిర్దేశించిన 229 పరుగులను ఛేదించడానికి కోల్కతా విశ్వప్రయత్నాలు చేసింది. ఆ జట్టు ఓపెనర్ రహ్మదుల్లా డకౌట్ కాగా.. ఆదిలోనే ఒడుదొడుకులు ఎదుర్కొంది కోల్కతా. మరో ఓపెనర్ జగదీశన్ స్కోరు బోర్డును పరుగులు పెట్టించాడు. ఆ తర్వాత వచ్చిన ఇద్దరు ప్లేయర్లలో వెంకటేశ్(10) పరుగులు చేసి వెనుతిరిగాడు. ఆ తర్వాత వచ్చిన సునీల్ నరైన్ డకౌట్ అయ్యాడు. దీంతో పీకల్లోతు కష్టాల్లో పడిన కోల్కతాను నితీశ్ రాణా(75) ఆదుకున్నాడు. ధనాధన్ ఇన్నింగ్స్ ఆడి హాఫ్ సెంచరీ పుర్తి చేశాడు. సంచలన బ్యాటర్ రింకూ సింగ్(58)తో అద్భుత ప్రదర్శన చేశాడు. మరోవైపు సన్రైజర్స్ బౌలర్లు కూడా తమదైన శైలిలో చెలరేగిపోయారు. జాసెన్, మయాంక్ అగర్వాల్ చెరో రెండు వికెట్లు తీశారు. భువనేశ్వర్ ఒక వికెట్ తీశాడు.
అంతకుముందు టాస్ ఓడి మొదట బ్యాటింగ్ చేసిన హైదరాబాద్ నిర్ణీత 20 ఓవర్లలో 2 వికెట్ల నష్టానికి 228 పరుగులు చేసి.. కోల్కతాకు 229 పరుగుల లక్ష్యాన్ని నిర్దేశించింది. బ్యాటర్ హ్యారీ బ్రూక్ (100*) విధ్వంసకర ఇన్నింగ్స్ ఆడి.. సెంచరీ పూర్తి చేశాడు. ఐదెన్ మార్క్రమ్ (50) హాఫ్ సెంచరీతో చెలరేగి పోయాడు. అభిషేక్ శర్మ (32) ఫర్వాలేదనిపించగా.. రాణిస్తారనుకున్న మయాంక్ అగర్వాల్ (9), రాహుల్ త్రిపాఠి (9) సింగిల్ డిజిట్ స్కోరుకే పరిమితమయ్యారు. క్లాసెన్ (15*) పరుగులు చేశాడు. కోల్కతా బౌలర్లలో ఆండ్రూ రస్సెల్ 3 వికెట్లు తీసి అదరగొట్టాడు. వరుణ్ చక్రవర్తి ఒక వికెట్ తీశాడు.
ఐపీఎల్ 2023లో ఫస్ట్ సెంచరీ.. హ్యారీ బ్రూక్ ఘనత..
హైదరాబాద్ జట్టు ఓపెనర్ హ్యారీ బ్రూక్.. వన్ మ్యాన్ షో చూపించాడు. మ్యాచ్ ఆది నుంచి అంతం వరకు బౌండరీలతో మొత మోగించాడు. 12 ఫోర్లు, 3 సిక్సులతో.. 55 బంతుల్లో సెంచరీ పూర్తి చేసుకున్నాడు. ఇండియన్ ప్రీమియర్ లీగ్ 16వ సీజన్లో మొదటి సెంచరీ సాధించిన ప్లేయర్గా రికార్డు నమోదు చేశాడు.
