ఈ సీజన్లో తొలి మ్యాచ్ ఆడేందుకు సన్రైజర్స్ హైదరాబాద్ సిద్ధమైంది. చెన్నై వేదికగా కోల్కతా నైట్రైడర్స్తో ఆదివారం(ఏప్రిల్ 11) తలపడనుంది. మరి ఇరుజట్ల బలబలాలు ఏంటి? అనేది తెలుసుకుందాం.
వార్నర్ మాయ చేస్తాడా?
ఈసారి ఎలాగైనా సరే కప్పు కొట్టాలనే ప్రణాళికలతో బరిలోకి దిగుతోంది హైదరాబాద్. గతేడాది గాయంతో మధ్యలో వైదొలగిన భువనేశ్వర్ తిరిగి జట్టులోకి రావడం, అతడికి తోడుగా యార్కర్ స్పెషలిస్ట్ నటరాజన్, రషీద్ ఖాన్.. ప్రత్యర్థి జట్టును తమ బంతులతో ఇబ్బంది పెట్టేందుకు సమాయత్తమవుతున్నారు. బ్యాటింగ్లో వార్నర్, బెయిర్స్టో, విలియమ్సన్, మనీష్ పాండేతో బలంగా ఉన్నప్పటికీ మిడిలార్డర్ సమస్య వేధిస్తోంది. దీనికి ఈ సీజన్లోనైనా పరిష్కారం దొరుకుతుందేమో చూడాలి.
కోల్కతా మెరిసేనా?
గత సీజన్ మధ్యలో జట్టు కెప్టెన్సీ అందుకున్న మోర్గాన్.. ఈసారి పూర్తిస్థాయి సారథిగా మైదానంలో దిగుతున్నాడు. తన అనుభవంతో మ్యాచ్ల్ని గెలిపించాలని తాపత్రయపడుతున్నాడు. శుభ్మన్ గిల్, నితీశ్ రానా బ్యాటింగ్పై నమ్మకమున్నప్పటికీ.. దినేశ్ కార్తిక్, రసెల్ ఎలా ఆడతారన్నదే ప్రశ్న. కొత్తగా వచ్చిన హర్భజన్ సింగ్.. స్పిన్కు అనుకూలించే చెపాక్ పిచ్పై ఎలా ప్రభావం చూపిస్తాడో.
జట్లు(అంచనా)
హైదరాబాద్: వార్నర్(కెప్టెన్), బెయిర్స్టో, విలియమ్సన్, మనీష్ పాండే, ప్రియం గార్గ్, సాహా, కేదార్ జాదవ్, రషీద్ ఖాన్, భువనేశ్వర్ కుమార్, నటరాజన్, సందీప్ శర్మ.
కోల్కతా: శుభ్మన్ గిల్, రాహుల్ త్రిపాఠి, మోర్గాన్(కెప్టెన్), దినేశ్ కార్తిక్, రసెల్, షకిబ్ అల్ హాసన్, హర్భజన్ సింగ్, వరుణ్ చక్రవర్తి, ప్రసిద్ధ్ కృష్ణ, కమలేశ్ నాగర్కోటి, ఫెర్గూసన్
