IPL 2023 Auction : ఐపీఎల్ 2023 మినీ ఆక్షన్కు సర్వం సిద్ధమవుతోంది. డిసెంబర్ 16న బెంగుళూరులో మినీ వేలం జరగనున్నట్లు తెలుస్తోంది. అయితే ఈ ఆక్షన్పై బీసీసీఐ సర్వసభ్య సమావేశం అనంతరం.. ఐపీఎల్ గవర్నింగ్ మండిలి భేటీ అయి తుది నిర్ణయం తీసుకోనుంది.
గతంలో ఐపీఎల్ జట్టుకు రూ.90 కోట్లు ఖర్చు చేసే అవకాశముండేది. కానీ ఇప్పుడు ఆ సాలరీ పర్స్ విలువను రూ.5 కోట్లు పెంచి రూ.95 కోట్లు చేశారు. 2024లో జరగబోయే ఐపీఎల్ టీమ్ సాలరీ పర్స్ విలువ రూ.100 కోట్లు ఉండబోతోంది. అయితే ఫ్రాంచైజీల అంతర్గత కొనుగోళ్లు- ఆటగాళ్ల మార్పిడుల ప్రకారం.. జట్టు సాలరీ పర్స్ పెరగడం, తగ్గడం ఉంటుంది. ఈ ఆక్షన్ డిసెంబర్ 16న జరిపేందుకు వీలు లేకుంటే.. మరో తేదీని ఖరారు చేయనున్నట్లు సమాచారం.
