ఇషాన్​ కిషన్​@15.25 కోట్లు- ఆ లిస్ట్​లోకి ఎంట్రీ

IPL 2022 Mega auction Ishan kishan: ఐపీఎల్​ 2022 వేలంలో అందరూ ఊహించినట్లుగానే.. ఇషాన్​ కిషన్​పై అన్ని ఫ్రాంఛైజీలు ఆసక్తి చూపించాయి. అయితే రూ. 15.25 కోట్ల రికార్డు ధరకు ముంబయి ఇండియన్స్​ జట్టే మళ్లీ సొంతం చేసుకుంది. ఐపీఎల్​ వేలం మొత్తంలో ఇది నాలుగో అత్యధికం కావడం విశేషం. ఆ లిస్ట్​లో ఎవరెవరు ఉన్నారో చూద్దాం.

IPL 2022 Mega auction Ishan kishan: ఇషాన్​ కిషన్​ 2022 ఐపీఎల్​ వేలంలో అదరగొట్టాడు. ఇప్పటివరకు అత్యధిక మొత్తం అతడికే దక్కింది. రూ. 15.25 కోట్లకు ముంబయి ఇండియన్స్​ జట్టు అతడిని సొంతం చేసుకుంది. గత కొన్ని సీజన్లలో ఈ జట్టుకే ఆడినప్పటికీ.. ఇటీవల ముంబయి కిషన్​ను రీటెయిన్​ చేసుకోలేదు.
వేలంలో తొలుత పంజాబ్​ కింగ్స్​, ముంబయి ఇండియన్స్​ పోటీపడ్డాయి. తర్వాత గుజరాత్- ముంబయి మధ్య పోటీ జరిగింది. ఆఖర్లో అనూహ్యంగా హైదరాబాద్​ పోటీలోకి వచ్చింది. అయినా ఎక్కడా తగ్గని ముంబయి అతడిని దక్కించుకుంది. గతేడాది ఇతడి ధర రూ. 6.20 కోట్లు కాగా.. ప్రస్తుతం రెట్టింపు కంటే ఎక్కువ పలకడం విశేషం.

నాలుగో ప్లేయర్​..

ఈ క్రమంలో.. ఐపీఎల్​ అన్ని సీజన్లలో కలిపి వేలంలో అత్యధిక మొత్తం పలికిన నాలుగో ఆటగాడిగా, రెండో భారత ఆటగాడిగా ఘనత సాధించాడు. ఈ జాబితాలో మోరిస్​ నెంబర్​వన్​గా ఉన్నాడు. అతడిపై గతేడాది రాజస్థాన్​ రాయల్స్​ జట్టు రూ. 16.25 కోట్లు పెట్టింది.
యువరాజ్​ సింగ్ రూ. 16 కోట్లతో( 2015, దిల్లీ డేర్​డెవిల్స్​)​ రెండో స్థానంలో ఉన్నాడు.

లిస్ట్​లో ఎవరెవరు?

1. క్రిస్​ మోరిస్​ - రూ. 16.25 కోట్లు - 2021 (రాజస్థాన్​ రాయల్స్​)
2. యువరాజ్​ సింగ్​ - రూ. 16 కోట్లు - 2015 (దిల్లీ డేర్​డెవిల్స్​)
3. ప్యాట్​ కమిన్స్​ - రూ. 15.50 కోట్లు - 2020 (కోల్​కతా నైట్​రైడర్స్​)
4. ఇషాన్​ కిషన్​ - రూ. 15.25 కోట్లు - 2022 (ముంబయి ఇండియన్స్​)
5. కైల్​ జేమిసన్​ - రూ. 15 కోట్లు - 2021 (రాయల్​ ఛాలెంజర్స్​ బెంగళూరు)

ఇదీ చూడండి: IPL 2022 Mega Auction: హర్షల్​ పటేల్​ రికార్డు.. రైనాకు షాక్​