Vijay Dahiya IPL 2022: ఐపీఎల్ 2022 కోసం పక్కా వ్యూహాలు రచిస్తోంది కొత్త ఫ్రాంచైజీ లఖ్నవూ. మెగా వేలానికి ముందు సహాయ సిబ్బందిని ఎంపిక చేసే పనిలో పడింది. ఇప్పటికే కోచ్, మెంటార్ను ఖరారా చేసుకున్న ఈ ఫ్రాంచైజీ.. తాజాగా అసిస్టెంట్ కోచ్ పదవినీ భర్తీ చేసింది. ప్రస్తుతం దేశవాళీ జట్టు ఉత్తరప్రదేశ్కు కోచ్గా ఉన్న విజయ్ దహియాను అసిస్టెంట్ కోచ్గా నియమిస్తూ ప్రకటన విడుదల చేసింది.
హరియాణాకు చెందిన విజయ్ దహియా (48)కు ఐపీఎల్తో ఇప్పటికే అనుబంధం ఉంది. రెండుసార్లు లీగ్ విజేత కోల్కతా నైట్రైడర్స్కు ఇతడు అసిస్టెంట్ కోచ్గా పనిచేసిన అనుభవం ఉంది. అలాగే దిల్లీ క్యాపిటల్స్కు ట్యాలెంట్ స్కౌట్గానూ పనిచేశాడు విజయ్.
గోయెంకా సారథ్యంలోని ఆర్‌పీ-ఎస్‌జీ గ్రూప్‌ రూ.7090 కోట్లతో లఖ్నవూ ఫ్రాంఛైజీని కొనుగోలు చేసింది. ఇప్పటికే ఈ జట్టు ప్రధాన కోచ్గా ఆండి ఫ్లవర్, మెంటార్గా టీమ్ఇండియా మాజీ క్రికెటర్ గౌతమ్ గంభీర్ను నియమించుకుంది.
