ఎన్నో అంచనాలతో బరిలోకి దిగిన చెన్నై సూపర్కింగ్స్.. ఈసారి ఐపీఎల్లో అంచనాల్ని అందుకోలేకపోతోంది. ధోనీ సారథ్యంలో స్థాయికి తగినట్లు రాణించలేక వరుసగా మూడు మ్యాచ్ల్లో ఓడిపోయి పాయింట్ల పట్టికలో చివరి స్థానంలో ఉంది. ఇది ధోనీ అభిమానుల్ని తీవ్రంగా కలచివేస్తున్న అంశం. పంజాబ్ జట్టుతో ఆదివారం జరిగే మ్యాచ్లోనైనా నెగ్గి, గెలుపు ట్రాక్లోకి రావాలని భావిస్తోంది సీఎస్కే.
చెన్నై సూపర్కింగ్స్
గతేడాది రన్నరప్గా నిలిచిన చెన్నై.. ఈసారి ఘోరంగా విఫలమవుతోంది. ఓపెనర్లు వాట్సన్, మురళీ విజయ్తో పాటు మిడిలార్డర్లో కేదార్ జాదవ్ నిరాశపరుస్తున్నారు. డుప్లెసిస్ సహా కెప్టెన్ ధోనీ చాలా కష్టపడుతున్నారు. కానీ ఫలితం లేకుండా పోతోంది. గత మ్యాచ్తో రాయుడు, బ్రావో.. తిరిగి జట్టులోకి వచ్చినా.. అనుకున్నంతగా ఆడలేకపోయారు. బౌలింగ్పైనా బాగా దృష్టిపెట్టాల్సి ఉంది.
కింగ్స్ ఎలెవన్ పంజాబ్
కేఎల్ రాహుల్ సారథ్యంలోని పంజాబ్.. బ్యాటింగ్లో అదరగొడుతున్నా సరే అదృష్టం కలిసిరావడం లేదు. ఇప్పటివరకు ఆడిన నాలుగు మ్యాచ్ల్లో 200 పైచిలుకు స్కోర్లు కొట్టారు. కానీ ఆ మ్యాచ్ల్లో ఓడిపోయారు. బౌలింగ్లో షమీ తప్ప మిగిలిన వారు సరైన ప్రదర్శన చేయలేకపోతున్నారు. ఈ విభాగంలో మెరుగుపడాల్సి ఉంది. ప్రస్తుతం ఆరెంజ్ క్యాప్-మయాంక్ అగర్వాల్, పర్పుల్ క్యాప్-షమీ.. ఈ జట్టు క్రికెటర్ల దగ్గరే ఉండటం విశేషం.
జట్లు(అంచనా)
చెన్నై సూపర్కింగ్స్: వాట్సన్, రాయుడు, డుప్లెసిస్, కేదార్ జాదవ్, ధోనీ, జడేజా, బ్రావో, శార్దుల్ ఠాకుర్, చావ్లా, సామ్ కరన్, దీపక్ చాహర్
కింగ్స్ ఎలెవన్ పంజాబ్: కేఎల్ రాహుల్, మయాంక్ అగర్వాల్, నికోలస్ పూరన్, మ్యాక్స్వెల్, కరుణ్ నాయర్, జేమ్స్ నీషమ్, సర్ఫరాజ్ ఖాన్, కృష్ణప్ప గౌతమ్, షమీ, కాట్రెల్, రవి బిష్ణోయ్
