దిల్లీ క్యాపిటల్స్తో తలపడుతున్న మ్యాచ్లో సన్రైజర్స్ హైదరాబాద్ టాస్ గెలిచి బౌలింగ్ ఎంచుకుంది. ఉప్పల్ వేదికగా జరుగుతున్న ఈ మ్యాచ్లో కేన్ విలియమ్సన్ జట్టు పగ్గాలు చేపట్టాడు. ఇప్పటికే దిల్లీతో జరిగిన మ్యాచ్లో హైదరాబాద్ గెలిచింది. ప్రస్తుతం సొంతగడ్డపై జరగనుండటం.. రైజర్స్కు కలిసొచ్చే అంశం. సన్రైజర్స్కు ఇది వందో ఐపీఎల్ మ్యాచ్.
ముంబయితో జరిగిన మ్యాచ్లో హైదరాబాద్ 97 పరుగులకే కుప్పకూలింది. స్లో పిచ్పై సన్రైజర్స్ బ్యాట్స్మెన్ ఆడేందుకు ఇబ్బంది పడ్డారు. నేడు కూడా అలాగే పిచ్ బౌలింగ్కు సహకరించనుంది.
కోల్కతాపై విజయం సాధించి జోరు మీదుంది దిల్లీ. శిఖర్ ధావన్ 97 పరుగులతో అదరగొట్టాడు. మరోసారి గబ్బర్ బ్యాట్ ఝళిపించాలని అభిమానులు ఆశిస్తున్నారు. గత రెండు మ్యాచ్ల్లోనూ ఓటమి చవిచూసిన సన్రైజర్స్ ఈ మ్యాచ్ ఎలాగైనా గెలవాలనే కసితో బరిలో దిగుతుంది. వార్నర్, బెయిర్ స్టోలు మరోసారి హైదరాబాద్కు కీలకం కానున్నారు.
ఈ మ్యాచ్లో మార్పులు:
హైదరాబాద్ జట్టులో నబీ స్థానలో కేన్ విలియమ్సన్ రాగా... మనీశ్ పాండే, యూసుఫ్ పఠాన్, కౌల్ స్థానంలో రికీ భూయ్, అభిషేక్ శర్మ, ఖలీల్ అహ్మద్ వచ్చారు. దిల్లీలో కొలిన్ మున్రో, అమిత్ మిశ్రా ఆడనున్నారు.
జట్లు
సన్రైజర్స్ హైదరాబాద్:
కేన్ విలియమ్సన్(కెప్టెన్), రికీ భూయ్, డేవిడ్ వార్నర్, దీపక్ హుడా, భువనేశ్వర్ కుమార్ , అభిషేక్ శర్మ, విజయ్ శంకర్, బెయిర్స్టో, ఖలీల్ అహ్మద్, రషీద్ ఖాన్, సందీప్ శర్మ
దిల్లీ క్యాపిటల్స్:
శ్రేయస్ అయ్యర్ (కెప్టెన్), పృథ్వీషా, పంత్, ధావన్, ఇషాంత్, రబాడా, అక్షర్ పటేల్, క్రిస్ మోరిస్, కీమో పాల్, కొలిన్ మున్రో, అమిత్ మిశ్రా
