రెండు దేశాల తరఫున ఆడిన క్రికెటర్లు వీరే!

ప్రపంచంలోని అత్యంత ఆదరణ పొందిన క్రీడల్లో క్రికెట్ ఒకటి. బ్రిటన్​లో పుట్టిన ఈ క్రీడ అనతికాలంలోనే మరెన్నో దేశాలకు విస్తరించింది. ఫుట్​బాల్​ తర్వాత ప్రపంచవ్యాప్తంగా అంతటి ప్రజాదరణ పొందిన క్రీడ క్రికెట్ కావడం విశేషం. ఈ నేపథ్యంలో ప్రతిఒక్కరికి తమ దేశం తరఫున క్రికెట్​ ఆడాలని కలలుకంటారు. అయితే కొంతమంది క్రికెటర్లు తమ స్వదేశంతో పాటు మరొక దేశం తరఫున అంతర్జాతీయ క్రికెట్​లో ప్రాతినిధ్యం వహించిన సందర్భాలున్నాయి. అలా రెండు దేశాల క్రికెట్​ టీమ్​లలో ఆడిన వారు ఎవరెవరు అంటే?

144 ఏళ్ల ప్రపంచ క్రికెట్ ప్రస్థానంలో ఎంతో ఆటగాళ్ల తమతమ దేశాలకు ప్రాతినిధ్యం వహిస్తూ.. మంచి గుర్తింపు తెచ్చుకున్నారు. అదే విధంగా ఒకే క్రికెటర్​ రెండు దేశాల తరఫున అంతర్జాతీయ క్రికెట్​లో ఆడిన సందర్భాలూ కోకొల్లలు. అయితే రెండు దేశాల తరఫున ఇంటర్నేషన్​ క్రికెట్​ మ్యాచ్​లు ఆడిన తొలి క్రికెటర్​ విలియమ్​ ఎవన్స్​ మిడ్​వింటర్​​. ఇంగ్లాండ్​లో పుట్టిన ఈ క్రికెటర్​ 10 ఏళ్లలో 12 మ్యాచ్​లు ఆడాడు. ఇంగ్లాండ్​తో పాటు ఆస్ట్రేలియా జట్టుకూ ప్రాతినిధ్యం వహించిన తొలి క్రికెటర్​గా ఘనత దక్కించుకున్నాడు.

విలియమ్​ ఎవన్స్​ మిడ్​వింటర్​​ తర్వాత ప్రస్తుతం ఇంగ్లాండ్​ టీ20 జట్టు కెప్టెన్​ ఇయాన్​ మోర్గాన్​ కూడా రెండు జట్లకు ప్రాతినిధ్యం వహించాడు. ఐర్లాండ్​లో పుట్టిన ఈ క్రికెటర్​.. తన దేశం తరఫున అంతర్జాతీయ క్రికెట్​లో అరంగేట్రం చేశాడు. ఆ జట్టు తరఫున దాదాపుగా 23 వన్డేలు ఆడాడు. ఆ తర్వాత ఇంగ్లాండ్​ టీమ్​తో చేరిన మోర్గాన్​.. 338 మ్యాచ్​ల్లో ప్రాతినిధ్యం వహించాడు. ఇప్పటివరుకు ఇంగ్లాండ్​ జట్టు తరఫున ఇయాన్​ మోర్గాన్​.. 16 టెస్టులు, 220 వన్డేలు, 102 టీ20లు ఆడాడు. మోర్గాన్​ నాయకత్వంలోనే ఇంగ్లాండ్​ జట్టు తొలి వన్డే ప్రపంచకప్​ గెలుచుకోవడం విశేషం. అయితే వీరిద్దరితో పాటు మరో 30 మంది కూడా అంతర్జాతీయ క్రికెట్​లో రెండు జట్లకు ప్రాతినిధ్యం వహించారు. వారి వివరాలేమిటో ఒకసారి తెలుసుకుందాం.