ఆ టీ20 సిరీస్​పై టీమ్​ఇండియా కన్ను.. జూన్​ 5న దిల్లీకి పయనం..

Indian Players Meeting: ఐపీఎల్ 15వ సీజన్​ ముగిశాక భారత క్రికెట్​ జట్టు ఆడబోయే అంతర్జాతీయ సిరీస్​లపై బీసీసీఐ దృష్టి సారించింది. జూన్​ 9వ తేదీ నుంచి సౌతాఫ్రికాతో టీ20 సిరీస్​ ఆడనున్న నేపథ్యంలో ఆదివారం దిల్లీలో టీమ్​ఇండియా ఆటగాళ్లతో సమవేశం నిర్వహించనుంది. కాగా, ఈ సిరీస్​ కోసం దక్షిణాఫ్రికా జూన్​2న భారత్​కు చేరుకోనుంది.

Indian Players Meeting Delhi: రెండు నెలలకు పైగా క్రికెట్​ ప్రేమికులను ఉర్రూతలూగించిన ఐపీఎల్​ 15వ సీజన్​ ముగిసింది. ఎలాంటి అంచనాలు లేకుండా బరిలోకి దిగిన గుజరాత్ టైటాన్స్.. అనూహ్యంగా టైటిల్​ ఎగరేసుకుపోయింది. ఇక, అంతర్జాతీయ సిరీస్​లపై దృష్టి సారించింది టీమ్​ఇండియా. దక్షిణాఫ్రికాతో జరగనున్న 5 మ్యాచ్​ల టీ20 సిరీస్ కోసం జూన్​5న దిల్లీకి చేరుకోనుంది.

జూన్​ 9న సౌతాఫ్రికాతో సిరీస్​ మొదలుకానుంది. జూన్ 2న సఫారీ జట్టు దిల్లీకి చేరుకుంటుంది. ఈ పర్యటనలో ప్రేక్షకుల సంఖ్యపై ఎలాంటి పరిమితులు కానీ, బయోబబుల్​ ఆంక్షలు కానీ లేవు. అయితే సిరీస్​ సాంతం ఆటగాళ్లకు క్రమం తప్పకుండా కొవిడ్ పరీక్షలను నిర్వహించనున్నట్లు బీసీసీఐ తెలిపింది.

India Southafrica T20 Series: జూన్​ 9న దిల్లీ వేదికగా భారత్, సౌతాఫ్రికా మధ్య తొలి టీ20 జరగనుంది. అనంతరం 12, 14, 17, 19వ తేదీల్లో వరుసగా కటక్, వైజాగ్, రాజ్​కోట్, బెంగళూరులో మిగిలిన నాలుగు మ్యాచ్​లు జరగనున్నాయి. విరాట్ కోహ్లీ, రోహిత్ శర్మ, జస్ప్రీత్​ బుమ్రా లాంటి సీనియర్ ప్లేయర్స్​కు విశ్రాంతినిచ్చిన బీసీసీఐ.. ఉమ్రాన్ మాలిక్, అర్ష్​దీప్ సింగ్​లతో పాటు దినేశ్ కార్తీక్​కు జట్టులో చోటిచ్చింది. ఇక, ఈ సిరీస్​లో జట్టుకు కేఎల్ రాహుల్ కెప్టెన్​గా వ్యవహరించనున్నాడు.

దక్షిణాఫ్రికాతో టీ20 సిరీస్​లో పాల్గొనే భారత జట్టుకు రాహుల్ ద్రవిడ్ కాకుండా వీవీఎస్ లక్ష్మణ్ కోచ్​గా వ్యవహరించనున్నాడు. ఈ సిరీస్ జరుగుతున్న సమయంలోనే గతేడాది వాయిదా పడ్డ ఐదో టెస్టును ఆడేందుకు టీమ్​ఇండియా.. ఇంగ్లండ్​కు పయనం కానుంది. ఇందుకోసం బీసీసీఐ ఇప్పటికే టెస్టు జట్టును కూడా ప్రకటించింది. అయితే ఈ టీమ్​కు మాత్రం కోచ్​గా ద్రవిడ్ వ్యవహరించనున్నాడు.

ఇవీ చదవండి: 'అబ్బాయినైతే బాగుండు.. ఆ 'నొప్పి' ఉండేదే కాదు'.. క్రీడాకారిణి భావోద్వేగం