టీమ్ఇండియాకు మరో క్రికెటర్ జోగిందర్ శర్మ రిటైర్మెంట్ ప్రకటించాడు. 2007 టీ20 వరల్డ్ కప్ హీరో అన్ని ఫార్మాట్లకు గుడ్బై చెప్పాడు. ఈ మేరకు ట్వట్టర్ వేదికగా తన రిటైర్మెంట్ను ప్రకటించాడీ బౌలర్. అంతర్జాతీయ క్రికెట్ సహా అన్ని ఫార్మాట్లకు రిటైర్మెంట్ ప్రకటిస్తున్నానని వెల్లడించాడు. కాగా, 2007 వరల్డ్కప్లో ఒకే ఓవర్తో హీరో అయ్యాడు జోగిందర్ శర్మ. ఫైనల్ మ్యాచ్లో ప్రత్యర్థి జట్టు పాకిస్థాన్ చివరి నాలుగు బంతుల్లో ఆరు పరుగులు చేయాల్సి ఉంది. అప్పుడు జోగిందర్ వేసిన బంతిని.. పాక్ బ్యాటర్ స్కూప్ షాట్కు ప్రయత్నించగా అది మిస్ అయింది. బంతి నేరుగా ఫీల్డర్ శ్రీషాంత్ చేతుల్లో పడింది. దీంతో ఇండియా వరల్డ్కప్ గెలిచింది.
"2002 నుంచి 2017 వరకు నా జీవితంలో చాలా అద్భుతమైన రోజులు. ఇండియాకు ప్రాతినిధ్యం వహించడం గర్వంగా ఉంది. అంతర్జాతీయం సహా అన్ని క్రికెట్‌కు ఫార్మాట్లకు రిటైర్మెంట్ ప్రకటిస్తున్నా. ఈ అవకాశం కల్పించిన బీసీసీకి కృతజ్ఞతలు. దాంతోపాటు నా జట్టు సభ్యులందరికి, కోచ్లకు, మెంటర్లకు, సపోర్ట్ స్టాఫ్కు నా ధన్యవాదాలు. నా కల సాకారం చేసుకోవడంలో సహాయపడిన మీ అందరికీ ధన్యవాదాలు. డొమెస్టిక్ క్రికెట్లో నాకు సహకరించిన హరియాణా క్రికెట్ అసోసియేషన్‌కు ప్రత్యేక ధన్యవాదాలు. మొదటిసారి ఐసీసీ నిర్వహించిన టీ20 వరల్డ్కప్లో గెలిచిన టీమ్లో ఉండటం నా అదృష్టం. ఆ రోడు కెప్టెన్ ధోని నన్ను నమ్మి బంతి చేతికిచ్చాడు. అలా ఒత్తిడితో బౌలింగ్ వేసి టీమ్ను గెలిపించడం మరచిపోలేని అనుభూతి. రిటైర్మెంట్ తర్వాత నాకు ఇష్టమైన క్రికెట్‌లోనే కొనసాగాలనుకుంటున్నా. భిన్నమైన వాతావరణంలో నన్ను నేను సవాల్ చేసుకుంటూ ముందుకు సాగుతా. క్రికెటర్‌గా నా ప్రయాణంలో ఇది తదుపరి దశ అనుకుంటున్నా.. నా జీవితంలో రాబోయే కొత్త చాప్టర్ కోసం ఎదురుచూస్తున్నా''
--జోగిందర్ సింగ్, టీమ్ఇండియా మాజీ క్రికెటర్
ఇక, ఐపీఎల్లో చెన్నై సూపర్ కింగ్స్ జట్టుకు ప్రాతినిధ్యం వహించాడు. అనంతరం డీఎస్పీగా బాధ్యతలు చేపట్టి కొవిడ్లో సమయంలో సమర్థంగా పనిచేశాడు. చివరగా లెజెండ్స్ లీగ్లో మెరిశాడు ఈ క్రికెటర్. 2004లో బంగ్లాదేశ్తో జరిగిన ఓడీఐ మ్యాచ్తో ఇంటర్నేషనల్ క్రికెట్లో అరంగేట్రం చేశాడు. ఇప్పటివరకు మొత్త ఐదు వన్డే మ్యాచ్ల్లో ఆడాడు. టీ20 మ్యాచ్ల్లో మంచి ప్రదర్శన చేశాడు. దేశవాళీ క్రికెట్లో జోగిందర్ శర్మ హరియాణా జట్టుకు ప్రాతినిధ్యం వహించాడు. 2004 నుంచి 2007 వరకు టీమ్ఇండియాకు ప్రాతినిధ్య వహించాడు. కాగా, 2007లో జరిగిన మొట్ట మొదటి టీ20 ప్రపంచకప్లో కీలక ప్రదర్శన చేశాడు. పాకిస్థాన్తో జరిగిన మ్యాచ్లో అద్భుత ప్రదర్శన చేసి చరిత్ర సృష్టించాడు.
