ICC Latest ODI Rankings :ఐసీసీ తాజాగా వన్డే ర్యాంకింగ్స్ను విడుదల చేసింది. వన్డే ప్రపంచకప్ ముగిసిన తర్వాత విడుదలైన ఈ ర్యాంకింగ్స్లో పలు మార్పులు వచ్చాయి. అయితే ఈ సారి నెంబర్ వన్ పొజిషన్పై విరాట్ కోహ్లి కన్నేశాడు. ఈ క్రమంలో తొలి రెండు స్థానాల్లో స్థిరంగా ఉన్న శుభమన్ గిల్ (826 పాయింట్లు), బాబర్ ఆజంలకు( 824 పాయింట్లు) మరింత చేరువయ్యాడు.
వరల్డ్ కప్ సెమీ-ఫైనల్స్లో సెంచరీ.. ఫైనల్‌లో హాఫ్ సెంచరీ సాధించిన కోహ్లి తన మూడవ స్థానాన్ని ఈ ర్యాంకింగ్స్లో సుస్థిరం చేసుకున్నాడు. అయితే 2017 నుంచి 2021 మధ్య కాలంలో.. విరాట్ కోహ్లి ఏకంగా 1258 రోజుల పాటు వన్డేల్లో నంబర్ వన్ ర్యాంకులో కొనసాగాడు. ఆ తర్వాత ఫామ్ కోల్పోవడం వల్ల కోహ్లి ప్లేస్లో బాబర్ వచ్చాడు. ఈ మధ్యే బాబర్ స్థానాన్ని గిల్ అందుకున్నాడు .
ఇక టీమ్ఇండియా కెప్టెన్ రోహిత్ శర్మ .. 769 రేటింగ్ పాయింట్లతో నాల్గవ స్థానానికి ఎగబాకాడు. ఇక సౌతాఫ్రికా వికెట్ కీపర్ క్వింటన్ డికాక్ 760 పాయింట్లతో ఐదో స్థానంలో ఉన్నాడు.
ODI Bowlers Rankings 2023 : ఇక.. బౌలింగ్ ర్యాంకింగ్స్లో టీమ్ఇండియా పేసర్ మహ్మద్ సిరాజ్, మహ్మద్ షమీ టాప్ 10లో ఉన్నారు. 699 పాయింట్లతో సిరాజ్ మూడవ స్థానంలో ఉండగా.. జస్ప్రీత్ బుమ్రా 685 పాయింట్లతో నాల్గవ స్థానానికి పరిమితమయ్యాడు. ఇక మహ్మద్ షమీ 648 పాయింట్లతో 10వ ప్లేస్లో ఉన్నాడు. అయితే 741 పాయింట్లతో దక్షిణాఫ్రికా స్పిన్నర్ కేశవ్ మహరాజ్ అగ్రస్థానంలో ఉన్నాడు.
ODI All Rounders Rankings 2023 : మరోవైపు ఆల్‌రౌండ‌ర్ల జాబితాలో బంగ్లాదేశ్ కెప్టెన్ ష‌కీబ్ అల్ హ‌స‌న్ 330 పాయింట్లతో మొద‌టి స్థానాన్ని కైవసం చేసుకోగా.. అఫ్గానిస్థాన్‌ ప్లేయర్ మహ్మద్ న‌బీ 297 పాయింట్లతో రెండో స్థానంలో కొన‌సాగుతున్నాడు. ఇక టీమ్ఇండియా నుంచి స్టార్ ఆల్రౌండర్.. ర‌వీంద్ర జ‌డేజా ప‌దో పొజిషన్ కొన‌సాగుతున్నాడు. 222 పాయింట్లతో జడ్టూ ఆ స్థానంలో ఉన్నాడు.
