సెప్టెంబర్ నెలకు సంబంధించి 'ప్లేయర్ ఆఫ్ ది మంత్' (ICC Player Of The Month) జాబితాను ప్రకటించింది అంతర్జాతీయ క్రికెట్ మండలి (ICC). ప్రపంచవ్యాప్తంగా మెరుగైన ప్రదర్శన చేసే ఆటగాళ్లను గుర్తించి ప్రతి నెల వారికి అవార్డులను ఇచ్చే కార్యక్రమాన్ని ఈ ఏడాది జనవరి నుంచి ప్రారంభించింది ఐసీసీ (ICC News). అందులో భాగంగానే సెప్టెంబర్ నెల (ICC Player Of The Month September 2021) కోసం టాప్ ఆటగాళ్ల పేర్లను వెల్లడించింది.
"పురుషుల క్రికెట్లో బంగ్లాదేశ్ స్పిన్నర్ నాసుమ్ అహ్మద్, నేపాల్ బౌలర్ సందీప్ లమిచానే, అమెరికా క్రికెటర్ జాస్కరన్ మల్హోత్రా పోటీలో నిలిచారు. మహిళల క్రికెట్లో ఇంగ్లాండ్కు చెందిన చార్లీ డీన్, హీతర్ నైట్, దక్షిణాఫ్రికాకు చెందిన లీజల్ లీ పేర్లను పరిగణలోకి తీసుకున్నాం."
- అంతర్జాతీయ క్రికెట్ మండలి(ఐసీసీ)
గత నెల న్యూజిలాండ్తో సిరీస్ సందర్భంగా ఒకే టీ20 మ్యాచ్లో రెండు మెయిడెన్ ఓవర్లు వేసిన తొలి బౌలర్గా నిలిచాడు నాసుమ్ అహ్మద్. పపువా న్యుగినియాతో మ్యాచ్లో ఒకే ఓవర్లో ఆరు సిక్సర్లు బాదాడు జాస్కరన్ మల్హోత్రా. న్యూజిలాండ్పై 4-1తేడాతో ఇంగ్లాండ్ గెలవడంలో కీలక పాత్ర పోషించింది చార్లీ డీన్. ఇదే సిరీస్లో తొలి వన్డేలో 89 పరుగులు, నాలుగో వన్డేలో 101 పరుగులు సహా 3 వికెట్లు కూడా తీసి 'ప్లేయర్ ఆఫ్ ది మంత్' (ICC Player Of The Month) అవార్డు రేసులో నిలిచింది ఆల్రౌండర్ హీతర్ నైట్.
ఇదీ చూడండి: ICC POTM: 'ప్లేయర్ ఆఫ్ ది మంత్' అవార్డు విజేతలు వీరే!
