టీమ్ఇండియా మాజీ సారథి మహేంద్ర సింగ్ ధోనీకి సంబంధించిన కొన్ని చిత్రాలు ఈ మధ్య కాలంలో తెగ వైరల్ అవుతున్నాయి. ఇటీవలే భారత జట్టు రెట్రో జెర్సీలో తళుక్కున మెరిసిన మహీ ఫొటోలు చూసి అభిమానులు వావ్! అనుకున్నారు. ఇక ఇప్పుడు ధోనీకి సంబంధించిన మరికొన్ని ఫొటోలు బయటకు వచ్చాయి. ఇందులో ధోనీ కొత్త హెయిర్స్టైల్ ట్రై చేశాడు.
ఈ ఫొటోలను ప్రముఖ హెయిర్ స్టైలిస్ట్ ఆలిమ్ హకిమ్ తన ఇన్స్టాగ్రామ్లో షేర్ చేశాడు. "లెజెండ్ ధోనీ.. ఇప్పుడు డాషింగ్ లుక్స్తో ముందుకొచ్చాడు. ధోనీకి హెయిర్కట్, గడ్డం ట్రిమ్ చేయడం ఎంతో సంతోషంగా అనిపించింది" అని క్యాప్షన్ జోడించాడు.
- " class="align-text-top noRightClick twitterSection" data="
">
ధోనీకి కొత్త కొత్త లుక్స్ ట్రై చేయడం అలవాటే. క్రికెటర్గా కెరీర్ తొలినాళ్లల్లో పొడవాటి జుట్టుతో వచ్చి యువతను ఎంతగానో ఆకట్టుకున్న మహేంద్రుడు.. ఆ తర్వాత వివిధ స్టైల్స్ను ప్రయత్నించాడు. రిటైర్ అయిన తర్వాత కూడా అదే జోరు కొనసాగిస్తుండటం వల్ల ధోనీ ఫ్యాన్స్ ఖుషీ అయిపోతున్నారు.
గతేడాది ఆగస్టు 15న అంతర్జాతీయ క్రికెట్కు గుడ్ బై చెప్పిన ధోనీ.. ప్రస్తుతం ఐపీఎల్ మ్యాచుల్లోనే ఆడుతున్నాడు. ఇక సెప్టెంబర్ 19తో ఐపీఎల్ 2021 తిరిగి ప్రారంభమవుతోంది. తొలి మ్యాచ్ ధోనీ సారథ్యం వహిస్తున్న సీఎస్కే, రోహిత్ కెప్టెన్గా ఉన్న ముంబయి ఇండియన్స్ మధ్య ఉండటం వల్ల అభిమానులు ఆనందం వ్యక్తం చేస్తున్నారు.
ఇదీ చూడండి:- గుర్రానికి ధోనీ మసాజ్.. వీడియో వైరల్
