భారత క్రికెట్ జట్టు కోచ్ రవిశాస్త్రితో తమకున్న బంధం పరస్పర గౌరవం, నమ్మకంతో ఏర్పడిందని కెప్టెన్ విరాట్ కోహ్లీ(Virat Kohli) అన్నాడు. ఈ బంధం వల్లే భారత జట్టు దృఢంగా ఉందని.. టీమ్ఇండియాను ఓడించాలని ప్రతిఒక్కరూ కలలు కంటున్నారని తెలిపాడు. ఓవల్ వేదికగా జరగనున్న ఇంగ్లాండ్, భారత్ మధ్య నాలుగో టెస్టు నేపథ్యంలో ఈ వ్యాఖ్యలు చేశాడు కోహ్లీ.
"రవిశాస్త్రితో ఏర్పడిన బంధం పరస్పర గౌరవంతో వచ్చింది. నమ్మకంతో ఏర్పడింది. మైదానం వెలుపల కూడా ఈ బంధం దృఢంగా ఉంటుంది. ఒకే లక్ష్యం, ఒకే దృష్టితో ఉండటం వల్లే భారత క్రికెట్ జట్టును ఇంత మెరుగైన స్థానంలో ఉంచగలిగాం."
--విరాట్ కోహ్లీ, కెప్టెన్.
టీమ్ఇండియాను ఎప్పుడూ మెరుగైన స్థానంలో ఉంచాలని ఆటగాళ్లు ఆశిస్తారని అన్నాడు కోహ్లీ. ప్రపంచంలో ఏ చోట ఆడినా.. ఇతర జట్లు టీమ్ఇండియాపై నెగ్గాలని మిక్కిలి ఆశతో ఉంటాయని అన్నాడు.
గురువారం భారత్-ఇంగ్లాండ్ (INDvsENG) మధ్య నాలుగో టెస్టు(ind vs eng 4th test 2021) ప్రారంభంకానుంది. లండన్ ఓవల్ వేదికగా జరగబోయే ఈ మ్యాచ్లో ఇరుజట్లు గెలుపే లక్ష్యంగా బరిలో దిగుతున్నాయి. ఈ మ్యాచ్ భారత కాలమాన ప్రకారం మధ్యాహ్నం 3.30 గంటలకు ప్రారంభంకానుంది.
ఇదీ చదవండి:
