చెపాక్ వేదికగా భారత్తో జరుగుతోన్న రెండో టెస్టులో ఇంగ్లాండ్ పీకల్లోతు కష్టాల్లో పడింది. తొలి ఇన్నింగ్స్లో టీ విరామ సమయానికి ఆ జట్టు 8 వికెట్ల నష్టానికి 106 పరుగులు చేసింది. క్రీజులో బెన్ ఫోక్స్(23) ఉన్నాడు. టీమ్ఇండియా బౌలర్లలో అశ్విన్ నాలుగు, అక్షర్ రెండు వికెట్లు తీశారు.
మొదటి సెషన్లో నాలుగు వికెట్లు కోల్పోయిన రూట్ సేన.. టీ ముందు మరో నాలుగు వికెట్లు కోల్పోయింది. ఒకానొక దశలో 52 పరుగులకే సగం టీమ్ పెవిలియన్ చేరింది. ఫోక్స్తో కలిసి పోప్ ఇన్నింగ్స్ చక్కదిద్దే ప్రయత్నం చేశాడు. ఈ జంట 35 పరుగుల భాగస్వామ్యం నెలకొల్పింది. ప్రమాదకరంగా మారుతున్న ఈ జోడీని సిరాజ్ విడగొట్టాడు. 38వ ఓవర్లో బంతి అందుకున్న ఈ హైదరాబాదీ పేసర్.. తొలి బంతికే పోప్ను పెవిలియన్కు పంపాడు.
