Dhoni Jersey to Pakistani Cricketer: భారత జట్టు కెప్టెన్లలో ఎంఎస్ ధోనీ ఎప్పటికీ ప్రత్యేకమే. ఒక సారథిగానే కాదు.. మైదానంలో గొప్ప వ్యూహాకర్తగా, కీపర్గా, బెస్ట్ ఫినిషర్గా భారత క్రికెట్ చరిత్రలో తనకంటూ కొన్ని పేజీలను లిఖించుకున్నాడు. ఆటతోనే కాకుండా.. మైదానంలో సహచర ఆటగాళ్లు, ఇతర జట్ల క్రికెటర్లతో తాను వ్యవహరించే తీరుతో కోట్లాదిమంది అభిమానుల మనసు గెలుచుకున్నాడు. అయితే ఇప్పుడు తన గొప్పమనసు, క్రీడాస్ఫూర్తిని మరోసారి చాటుకున్నాడు. ఈసారి పాకిస్థాన్ పేసర్ హారిస్ రౌఫ్ను ఆశ్యర్యానికి గురిచేశాడు. సంతకం చేసిన తన ఐపీఎల్ జెర్సీని అతడికి బహుమతిగా పంపించాడు. ఈ విషయాన్ని రౌఫ్ ట్విట్టర్ వేదికగా తెలిపాడు.
"దిగ్గజం, కెప్టెన్ కూల్ ఎంఎస్ ధోనీ తన అందమైన జెర్సీని బహుమతిగా పంపించాడు. తన మంచి మనుసుతో నంబరు 7 ఇంకా హృదయాలను గెలుచుకుంటున్నాడు" అని రౌఫ్.. మహీపై తన అభిమానాన్ని చాటుకున్నాడు.
రౌఫ్ ట్వీట్కు స్పందించిన సీఎస్కే మేనేజర్ రసెల్ రాధాకృష్ణన్.. "మా కెప్టెన్ మాట ఇచ్చాడంటే.. తప్పక నెరవేరుస్తాడు" అని బదులిచ్చాడు.
కాగా, ఐపీఎల్లో విజయవంతమైన కెప్టెన్లలో ఒకడిగా కొనసాగుతున్నాడు ధోనీ. అతడి సారథ్యంలో సీఎస్కే ఇప్పటివరకు నాలుగు ట్రోఫీలను సొంతం చేసుకుంది. ఇక టీ 20 ప్రపంచ కప్ 2021 సందర్భంగా టీమ్ఇండియా మెంటార్గా వ్యవహరించిన ధోనీ.. పాకిస్థాన్తో మ్యాచ్ ముగిసిన తర్వాత ప్రతర్థి జట్టు ఆటగాళ్లతో కాసేపు ముచ్చటించడం అతడి క్రీడాస్ఫూర్తికి నిరదర్శనం.
ఇదీ చూడండి:
