వరల్డ్ కప్ ముందు జరుగుతున్న భారత్-ఆసీస్ సిరీస్కు ఆస్ట్రేలియా స్టార్ బ్యాటర్ డేవిడ్ వార్నర్ను దూరంగా ఉంచింది టీమ్ మేనేజ్మెంట్. అయితే మ్యాచ్ సందర్భంగా ఓ ఆసక్తికర సంఘటన జరిగింది. ఓ టీమ్ ఇండియా అభిమానికి సారీ చెప్పాడు వార్నర్. 'ఈ మ్యాచ్ ఎవరు గెలుస్తారు?.. కమాన్ ఆస్ట్రేలియా' అని కోహ్లీ ఉన్న ఫొటో ఇన్స్టాగ్రామ్లో పోస్ట్ చేశాడు వార్నర్. దీనికి ఓ టీమ్ ఇండియా అభిమాని రిప్లై ఇస్తూ..' కెప్టెన్ రోహిత్ శర్మ.. కోహ్లీ కాదు' చెప్పాడు. దీనికి స్పందించిన డేవిడ్ వార్నర్.. 'నాకు తెలుసు.. సారీ' అని సమాధానమిచ్చాడు. దీంతో ఈ విషయం ఇప్పుడు వైరల్ మారింది. దీంతో వార్నర్ స్వభావాన్ని అందరూ పొగుడుతున్నారు.
అయితే ఈ మ్యాచ్లో భారత్ భారీ స్కోర్ చేసినప్పటికీ ఫలితం లేకపోయింది. ఉత్కంఠగా సాగిన తొలి టీ20లో టీమ్ ఇండియాపై విజయం సాధించింది ఆస్ట్రేలియా. భారత జట్టు నిర్దేశించిన లక్ష్యాన్ని నాలుగు బంతులు మిగిలి ఉండగానే ఛేదించి నాలుగు వికెట్ల తేడాతో గెలిచింది. జట్టు సమిష్టిగా రాణించి విజయాన్ని అందుకుంది. కెమరూన్ గ్రీన్(61) టాప్ స్కోర్. స్మిత్ (35) పర్వాలేదనిపించగా.. చివర్లో మ్యాథ్యూ వేడ్(45) బాగా రాణించాడు. భారత బౌలర్లలో అక్షర్ పటేల్ 3, ఉమేశ్ యాదవ్ 2, చాహల్ ఓ వికెట్ తీశారు.
అంతకుముందు బ్యాటింగ్ దిగిన భారత బ్యాటర్లు బాగానే ఆడారు. నిర్ణీత 20ఓవర్లలో ఆరు వికెట్ల నష్టానికి జట్టు 208 పరుగులు చేసింది. దీంతో ఆసీస్కు 209 పరుగుల లక్ష్యాన్ని నిర్దేశించింది. హార్దిక్ పాండ్య(71), కేఎల్ రాహుల్(55) అర్ధశతకాలు సాధించారు. సూర్యకుమార్ యాదవ్(46) రాణించాడు. ఆసీస్ బౌరల్లలో నాథన్ ఎల్లిస్ 3, హేజిల్వుడ్ 2, గ్రీన్ ఓ వికెట్ తీశారు.
ఇవీ చదవండి: IND VS AUS: తొలి టీ20లో ఆసీస్దే విజయం
