మాంచెస్టర్ వేదికగా న్యూజిలాండ్-వెస్టిండీస్ మధ్య నేడు కీలక మ్యాచ్ జరగనుంది. రేసులో నిలవాలంటే వెస్టిండీస్ తప్పక గెలివాల్సిన పరిస్థితి. వరుస విజయాలు సాధిస్తున్న కివీస్ను కరీబియన్ జట్టు అడ్డుకుంటుందా అనేదే ప్రశ్న.
తన ఆరంభ మ్యాచ్లోనే పాకిస్థాన్పై గెలిచి టోర్నీని ఘనంగా ఆరంభించింది వెస్టిండీస్. తర్వాత ఆడిన అన్నింట్లోనూ ఓటమి పాలైంది. ప్రస్తుతం పాయింట్ల పట్టికలో ఏడో స్థానంలో ఉంది హోల్డర్ సేన. సెమీస్కు వెళ్లాలంటే ఈ మ్యాచ్లో కచ్చితంగా గెలవాల్సిన పరిస్థితి. బ్యాటింగ్లో రాణిస్తున్నా.. బౌలింగ్ వైఫల్యం కరీబియన్ జట్టును వెంటాడుతోంది.
మరోవైపు ఆడిన ఐదింటిలో నాలుగు మ్యాచ్ల్లో గెలిచింది కివీస్. భారత్తో మ్యాచ్ వర్షం కారణంగా రద్దయింది. ఇప్పుడు అదే ఊపును కొనసాగించాలని చూస్తోంది విలియమ్సన్ బృందం.
జట్లు(అంచనా)
వెస్టిండీస్: గేల్, డారెన్ బ్రావో, రసెల్, గాబ్రియెల్, హోల్డర్(కెప్టెన్), లూయిస్, కాట్రెల్, పూరన్, హెట్మయిర్, హోప్, థామస్.
న్యూజిలాండ్: గప్తిల్, విలియమ్సన్, రాస్ టేలర్, గ్రాండ్హోమ్, మన్రో, బౌల్ట్, లేథమ్, జేమ్స్ నీషమ్, మ్యాట్ హెన్రీ, శాంట్నర్, ఫెర్గూసన్.
ఇది చదవండి: క్రికెట్.. కష్టాల్ని ఎదుర్కొవడం నేర్పుతుందంటున్న విరాట్ కోహ్లీ
