కరోనా కారణంగా.. గతేడాది 4 మ్యాచ్ల అనంతరం ఆగిపోయిన 'అన్అకాడమీ రోడ్ సేఫ్టీ వరల్డ్ సిరీస్' తిరిగి మొదలుకానుంది. భారత దిగ్గజ క్రికెటర్ సచిన్ తెందుల్కర్, వెస్టిండీస్ దిగ్గజం బ్రియాన్ లారా మళ్లీ ఈ టోర్నీతో మైదానంలో సందడి చేయనున్నారు. మార్చి 2నుంచి 21 వరకు ఈ టోర్నీ నిర్వహించనున్నారు.
ఛత్తీస్గఢ్ రాయ్పుర్లోని 65వేల సీట్ల సామర్థ్యం ఉన్న షాహీద్ వీర్ నారాయణ్ సింగ్ అంతర్జాతీయ క్రికెట్ స్డేడియం వేదిక కానుంది. ఇందులో సచిన్, లారాతో పాటు వీరేంద్ర సెహ్వాగ్(భారత్), ముత్తయ్య మురళీధరన్, తిలకరత్నె దిల్షాన్(శ్రీలంక), బ్రెట్ లీ(ఆస్ట్రేలియా) సహా పలు దిగ్గజ ఆటగాళ్లు పాల్గొననున్నారు.
టోర్నీ ఉద్దేశం ఏమిటంటే?
ఈ టోర్నీలో మొత్తం ఐదు దేశాలు పాలుపంచుకుంటాయి. ఆస్ట్రేలియా, దక్షిణాఫ్రికా, శ్రీలంక, వెస్టిండీస్, భారత్‌కు చెందిన మాజీ క్రికెటర్లు మైదానంలో ఆడతారు. రోడ్డు భద్రతపై ప్రజల్లో అవగాహన పెంచడమే ఈ టోర్నీ ముఖ్య ఉద్దేశం. ఈ రోడ్ సేఫ్టీ సిరీస్ ఫౌండర్ రవి గైక్వాడ్. సచిన్ తెందుల్కర్ బ్రాండ్ అంబాసిడర్.
కరోనా వల్ల నాలుగు మ్యాచ్ల అనంతరం గతేడాది మార్చి 11న ఈ టోర్నీ రద్దయింది.
ఇదీచూడండి: కరోనా ఎఫెక్ట్తో లెజెండ్స్ టోర్నీ రద్దు
