టెస్టుల్లో తొలిసారి ఓపెనర్గా బరిలోకి దిగిన టీమిండియా స్టార్ బ్యాట్స్మన్ రోహిత్శర్మ.. ఎన్నో రికార్డులను సొంతం చేసుకున్నాడు. దక్షిణాఫ్రికాపై మూడు టెస్టుల సిరీస్‌ను.. భారత్ క్లీన్‌స్వీప్‌ చేయడంలో కీలకపాత్ర పోషించిన హిట్ మ్యాన్... మరో ఘనత అందుకున్నాడు. ఐసీసీ తాజాగా ప్రకటించిన టెస్టు ర్యాంకింగ్స్లోనూ టాప్ లేపాడు. ఏకంగా 12 స్థానాలు ఎగబాకి టాప్ 10లో చోటు దక్కించుకున్నాడు.
-
↗️ Rohit Sharma storms into the top 10
— ICC (@ICC) October 23, 2019 " class="align-text-top noRightClick twitterSection" data="
↗️ Ajinkya Rahane surges to No.5
After sweeping the #INDvSA series, India batsmen make significant gains in the latest @MRFWorldwide ICC Test Player Rankings for batting.
Full rankings: https://t.co/x3zvUhSWg0 pic.twitter.com/s82fYixQFw
">↗️ Rohit Sharma storms into the top 10
— ICC (@ICC) October 23, 2019
↗️ Ajinkya Rahane surges to No.5
After sweeping the #INDvSA series, India batsmen make significant gains in the latest @MRFWorldwide ICC Test Player Rankings for batting.
Full rankings: https://t.co/x3zvUhSWg0 pic.twitter.com/s82fYixQFw↗️ Rohit Sharma storms into the top 10
— ICC (@ICC) October 23, 2019
↗️ Ajinkya Rahane surges to No.5
After sweeping the #INDvSA series, India batsmen make significant gains in the latest @MRFWorldwide ICC Test Player Rankings for batting.
Full rankings: https://t.co/x3zvUhSWg0 pic.twitter.com/s82fYixQFw
జోరు పెరిగిందోచ్...
సఫారీలతో చివరి టెస్టు ముందు 22వ స్థానంలో ఉన్న రోహిత్.. రాంచీ టెస్టులో డబుల్‌ సెంచరీ సాధించడం వల్ల, అతడి ర్యాంకింగ్ గ్రాఫ్ ఒక్కసారిగా మారిపోయింది. ప్రస్తుతం 722 పాయింట్లతో పదో స్థానంలో ఉన్నాడు.
కోహ్లీ తర్వాత హిట్మ్యాన్..
ఐసీసీ అన్ని ఫార్మట్లలో టాప్ 10లో నిలిచిన రెండో బ్యాట్స్‌మన్‌గా రోహిత్ మరో రికార్డు సృష్టించాడు. ఇప్పటివరకు టీమిండియా సారథి విరాట్ కోహ్లీ మాత్రమే ఈ ఘనత సాధించాడు. టెస్టుల్లో 10వ స్థానంలోనూ, వన్డేల్లో రెండు, టీ20ల్లో ఏడో ర్యాంక్లో ఉన్నాడు హిట్మ్యాన్.
టెస్టుల్లో ప్రస్తుతం విరాట్ రెండో స్థానంలో ఉండగా... అగ్రస్థానంలో స్టీవ్‌ స్మిత్(ఆస్టేలియా) కొనసాగుతున్నాడు. కోహ్లీ, స్మిత్ మధ్య 11 పాయింట్ల వ్యత్యాసం మాత్రమే ఉంది.
టాప్-10లో నలుగురు మనోళ్లే...
రాంచీ టెస్టులో సెంచరీ సాధించిన వైస్‌ కెప్టెన్‌ అజింక్య రహానే.. ర్యాంకింగ్స్లో 5వ స్థానానికి చేరుకున్నాడు. మరో టెస్టు బ్యాట్స్మన్ చతేశ్వర్ పుజారా నాలుగులో కొనసాగుతున్నాడు. ఐసీసీ ప్రకటించిన టెస్టు ర్యాంకింగ్స్ టాప్-10లో నలుగురు భారత బ్యాట్స్‌మెన్‌ ఉండటం విశేషం.
బౌలర్ల ర్యాంకింగ్స్లో పెద్దగా మార్పులు చోటుచేసుకోలేదు. గాయం కారణంగా ఈ సిరీస్‌కు దూరమైన జస్ప్రీత్ బుమ్రా.... మూడు నుంచి నాలుగో స్థానానికి పడిపోయాడు. రవిచంద్ర అశ్విన్ పదో స్థానానికి దిగజారాడు. రవీంద్ర జడేజా, మహ్మద్‌ షమి.. 14, 15 స్థానాలలో కొనసాగుతున్నారు.
సఫారీ జట్టును వైట్‌వాష్‌ చేయడం వల్ల టెస్టుల్లో టీమిండియా అగ్రస్థానంలో కొనసాగుతూ.. మరిన్ని పాయింట్లు సంపాదించుకుంది. 119 రేటింగ్‌ పాయింట్లతో తొలిస్థానంలో కొనసాగుతోంది. ఈ జాబితాలో న్యూజిలాండ్, ఇంగ్లాండ్, దక్షిణాఫ్రికా జట్లు వరుసగా తర్వాతి స్థానాల్లో ఉన్నాయి.
టాప్-10 ఐసీసీ టెస్టు ర్యాంకింగ్స్(అక్టోబర్ 23, 2019 నాటికి)
- బ్యాటింగ్‌:
స్టీవ్‌ స్మిత్(ఆసీస్), విరాట్ కోహ్లీ(భారత్), కేన్‌ విలియమ్సన్‌(న్యూజిలాండ్), పుజారా(భారత్), రహానే(భారత్), నికోలస్ హెన్రీ(న్యూజిలాండ్), జో రూట్(ఇంగ్లాండ్), టామ్ లేథమ్(న్యూజిలాండ్), కరుణరత్నె(శ్రీలంక), రోహిత్శర్మ(భారత్).
- బౌలింగ్‌:
పాట్ కమిన్స్(ఆస్ట్రేలియా), కగిసో రబాడ(దక్షిణాఫ్రికా), హోల్డర్‌(వెస్టిండీస్), జస్ప్రీత్ బుమ్రా(భారత్), జేమ్స్‌ అండర్సన్‌(ఇంగ్లాండ్), ట్రెంట్ బౌల్ట్ (న్యూజిలాండ్), నీల్ వాగ్నర్(న్యూజిలాండ్), ఫిలాండర్(దక్షిణాఫ్రికా), కీమర్ రోచ్(వెస్టిండీస్), రవిచంద్ర అశ్విన్(భారత్).
- ఆల్రౌండర్లు:
హోల్డర్‌, రవీంద్ర జడేజా, షకీబుల్‌ హసన్‌, బెన్‌ స్టోక్స్‌, ఫిలాండర్, రవిచంద్ర అశ్విన్, పాట్ కమిన్స్, మిచెల్ స్టార్క్, మొయిన్ అలీ, క్రిస్ వోక్స్
- జట్లు:
భారత్, న్యూజిలాండ్, ఇంగ్లాండ్, దక్షిణాఫ్రికా, ఆస్ట్రేలియా, శ్రీలంక, పాకిస్థాన్, వెస్టిండీస్, బంగ్లాదేశ్, అఫ్గానిస్థాన్.
