మహిళా టీ20 ప్రపంచకప్లో ఆస్ట్రేలియా-భారత్ అమీతుమీ తేల్చుకోనున్నాయి. ఆసీస్ జట్టులో పేసర్ మిచెల్ స్టార్ భార్య ఎలిసా హేలీ సభ్యురాలు. తాజాగా ఆమె ఫైనల్ మ్యాచ్ కోసం తన మ్యాచ్ను వదులుకున్నాడు స్టార్క్. దక్షిణాఫ్రికాతో జరిగే మూడో మ్యాచ్కు అందుబాటులో ఉండట్లేదని ప్రకటించాడు.
ఇప్పటికే ఈ సిరీస్లో దక్షిణాఫ్రికా 2-0 తేడాతో ఆధిక్యంలో ఉంది. ఇప్పుడు ఫైనల్ మ్యాచ్కు స్టార్క్ దూరమవడం వల్ల హేజిల్వుడ్, జే రిచర్డ్సన్, కేన్ రిచర్డ్సన్లో ఒకరికి తుది జట్టులో చోటు దక్కే అవకాశం ఉంది.
"జీవితంలో ఇలాంటి అవకాశం మళ్లీమళ్లీ రాదు. అందుకే స్టార్క్కు అనుమతి ఇస్తున్నాం. అతడు తన భార్యకు మద్దతు ఇస్తూ మ్యాచ్ను ఎంజాయ్ చేయొచ్చు." అని ఆసీస్ కోచ్ జస్టిన్ లాంగర్ తెలిపాడు.
దక్షిణాఫ్రికాతో జరిగిన సెమీ ఫైనల్ మ్యాచ్లో డక్వర్త్ లూయిస్ పద్ధతిలో 5 పరుగుల తేడాతో గెలిచింది ఆసీస్. ఫలితంగా తుదిపోరుకు అర్హత సాధించింది. ఆదివారం భారత్తో ఫైనల్ జరగనుంది.
