ఆస్ట్రేలియా పర్యటనలో టీమ్ఇండియా అద్భుత ప్రదర్శన చేస్తుందని బీసీసీఐ అధ్యక్షుడు సౌరభ్ గంగూలీ ధీమా వ్యక్తం చేశాడు. కోహ్లీ నాయకత్వ లక్షణాలు, బౌలింగ్ విభాగంలో వచ్చిన మార్పులు.. ఈ సిరీస్లో కీలకపాత్ర పోషిస్తాయని అభిప్రాయపడ్డాడు. భారత జట్టు పేస్ దళం బలంగా ఉందని ప్రశంసించాడు.
"భారత పేస్ దళం బలంగా ఉంది. గతేడాది కన్నా నవదీప్ సైనీ బాగా మెరుగయ్యాడు. కెప్టెన్ విరాట్కు బౌలర్లు అశ్విన్, బుమ్రా, సైనీ, జడేజాను ఎప్పుడెప్పుడూ ఎలా ఉపయోగించాలో బాగా తెలుసు. అతడి సారథ్య నైపుణ్యం బాగుంది. ఇదంతా బీసీసీఐ అధ్యక్షుడిగా నేను చెప్పట్లేదు, ఓ ఆటగాడిగా చెబుతున్నాను. 2003, 2018లో అడిలైడ్ వేదికగా జరిగిన టెస్టుల్లో టీమ్ఇండియా గెలిచి చరిత్ర సృష్టించింది. త్వరలో ప్రారంభమయ్యే టెస్టు అక్కడే జరగనుంది. కాబట్టి బాగా ఆడండి. సానుకూల ఫలితం వస్తుందని భావిస్తున్నాను"
-గంగూలీ, బీసీసీఐ అధ్యక్షుడు
ఐపీఎల్ పూర్తవగానే నవంబర్‌ 11న ఆస్ట్రేలియాకు బయల్దేరుతుంది టీమ్ఇండియా. వరుసగా 3 వన్డేలు, 3 టీ20లు, 4 టెస్టులు ఆడనుంది. ఆసీస్‌తో తొలిసారి డే/నైట్‌ టెస్టులో తలపడనుంది. డిసెంబర్‌ 17-21 వరకు అడిలైడ్‌లో ఈ పోరు జరుగుతుంది. ఆ తర్వాత టెస్టులకు మెల్‌బోర్న్‌ (డిసెంబరు 26-30), సిడ్నీ (2021 జనవరి 7-11), బ్రిస్బేన్‌ (జనవరి 15-19) ఆతిథ్యమిస్తాయి.
ఇదీ చూడండి :
'భారత్-ఆస్ట్రేలియా సిరీస్లో ఆ జట్టే ఫేవరేట్'
