అంతర్జాతీయ టీ20ల్లో మరో ప్రపంచ రికార్డు నమోదైంది. పురుష క్రికెటర్లకు సాధ్యం కానీ ఓ ఘనతను న్యూజిలాండ్ మహిళా క్రికెటర్ సోఫీ డివైన్ సాధించింది. దక్షిణాఫ్రికాతో సోమవారం జరిగిన నాలుగో టీ20లో అర్ధశతకంతో మెరిసిన సోఫీ, మొత్తంగా వరుసగా ఐదు అర్ధ సెంచరీలు చేసిన తొలి క్రికెటర్గా నిలిచింది.
ఈ జాబితాలో బ్రెండన్ మెకల్లమ్, మిథాలీ రాజ్.. నాలుగేసి హాఫ్ సెంచరీలతో ఇప్పటికి వరకు తొలిస్థానంలో ఉన్నారు. ఇప్పుడు వీరిని అధిగమించి, అగ్రస్థానానికి చేరుకుంది సోఫీ.
ఈ మ్యాచ్లో సోఫీ 105 పరుగులు చేయడం వల్ల, కివీస్.. 69 పరుగుల తేడాతో గెలిచింది. మరో మ్యాచ్ మిగిలుండగానే 3-1 తేడాతో సిరీస్ను సొంతం చేసుకుంది. ఈ సిరీస్లో వరుసగా 54*, 61, 77 పరుగులు నమోదు చేసిందీ మహిళా క్రికెటర్.