పాకిస్థాన్ మాజీ కెప్టెన్ షోయబ్ మాలిక్ అరుదైన ఘనత సాధించాడు. టీ20 క్రికెట్లో పదివేల పరుగుల్ని పూర్తి చేసుకున్న తొలి ఆసియా క్రికెటర్గా రికార్డు నెలకొల్పాడు. పాక్ నేషనల్‌ టీ20 కప్‌లో భాగంగా కైబర్‌ పఖ్తుంఖ్వా జట్టు తరఫున ఆడుతున్న మాలిక్.. బెలుచిస్థాన్తో జరిగిన మ్యాచ్‌లో ఈ ఘనత సాధించాడు. ఈ మ్యాచ్‌లో 44 బంతుల్లో 77 పరుగులు సాధించాడీ బ్యాట్స్మన్.
టీ20ల్లో పదివేల పరుగులు సాధించిన ఆటగాళ్ల జాబితాలో మూడో క్రికెటర్గా నిలిచాడు మాలిక్. క్రిస్ గేల్ (13,296), పొలార్డ్ (10,370) పరుగులతో తొలి రెండు స్థానాల్లో ఉన్నారు. అయితే మాలిక్ తర్వాత టీ20ల్లో ఎక్కువ పరుగులు సాధించిన ఆసియా ఆటగాడిగా టీమ్ఇండియా సారథి కోహ్లీ (9,123) కొనసాగుతున్నాడు.
