ఇండియన్ ప్రీమియర్ లీగ్లో తనకు ఉత్తమంగా అనిపించిన ఆటగాళ్లతో ఓ జట్టును తయారుచేశాడు బంగ్లాదేశ్ ఆల్రౌండర్ షకిబ్ అల్ హసన్. ఈ జట్టులో భారత కెప్టెన్ విరాట్ కోహ్లీ, రోహిత్ శర్మ, ధోనీలకు స్థానాన్ని కల్పించలేదు. క్రికెట్ కామెంటేటర్ హర్షా భోగ్లేతో జరిగిన ఇంటర్వ్యూలో ఆటగాళ్ల పేర్లను ప్రకటించాడు. ఈ లీగ్లో కోల్కతా నైట్రైడర్స్, సన్రైజర్స్ హైదరాబాద్ తరపున ఆడాడు షకిబ్. ఇతడు ప్రస్తుతం రెండేళ్ల నిషేధంలో ఉన్నాడు.
సన్రైజర్స్ హైదరాబాద్ కెప్టెన్ డేవిడ్ వార్నర్, నైట్రైడర్స్ బ్యాట్స్మెన్ రాబిన్ ఉతప్పలను ఓపెనర్లుగా.. మాజీ క్రికెటర్ గౌతమ్ గంభీర్ను కెప్టెన్గా ఎంపిక చేశాడు షకిబ్. మిడిలార్డర్లో మనీష్ పాండే, యూసఫ్ పఠాన్తో పాటు తన పేరును అందులో చేర్చాడు. విండీస్ ఆల్రౌండర్ ఆండ్రూ రసెల్ను ఫినిషర్గానూ, సునీల్ నరైన్ను స్పిన్నర్గానూ ఎంచుకున్నాడు. భువనేశ్వర్ కుమార్, లక్ష్మీపతి బాలాజీ, ఉమేష్ యాదవ్లను బౌలర్లుగా తీసుకున్నాడు.
షకిబ్ అల్ హసన్ ఉత్తమ ఐపీఎల్ ఎలెవన్:
డేవిడ్ వార్నర్, రాబిన్ ఉతప్ప, గౌతమ్ గంభీర్ (కెప్టెన్), మనీష్ పాండే, షకిబ్ అల్ హసన్, యూసఫ్ పఠాన్, ఆండ్రూ రసెల్, సునీల్ నరైన్, భువనేశ్వర్ కుమార్, లక్ష్మీపతి బాలాజీ, ఉమేశ్ యాదవ్.
