వారికి గుర్తింపు తెచ్చుకునేందుకు కొందరు వ్యక్తులు, తన పేరును ఇప్పటికీ ఉపయోగిస్తున్నారని చెప్పాడు పాకిస్థాన్ మాజీ పేసర్ వసీమ్ అక్రమ్. తాను క్రికెట్కు రిటైర్మెంట్ ప్రకటించి 17 ఏళ్లు అవుతున్నా, ఇంకా ఇలా చేయడం తనకు ఎంతో బాధగా ఉందని అన్నాడు. 1992 తర్వాత పాకిస్థాన్ ప్రపంచకప్ గెలవలేకపోవడానికి వసీమ్ కార‌ణ‌మ‌ని ఆ దేశ మాజీ ఓపెన‌ర్ ఆమిర్ సోహైల్ తాజాగా అన్న నేప‌థ్యంలో అక్రమ్ ఈ వ్యాఖ్య‌లు చేశాడు.
"కొంతమంది అనవసరంగా నా పేరు చెడగొట్టేందుకు ప్రయత్నిస్తున్నారు. నాపై వస్తున్న ఈ తప్పుడు ఆరోపణలు వింటుంటే, మనసుకు బాధ కలుగుతోంది. నేను వారిని అలా అనగలను. కానీ దానివల్ల ఏం లాభం. దేశానికి ప్రాతినిధ్యం వహించడం వల్లే, వీడ్కోలు పలికి 17 ఏళ్లయినా ఈ గౌరవ మర్యాదలు దక్కుతున్నాయి"
-వసీమ్ అక్రమ్, పాక్ మాజీ పేసర్
1992, 1996 ప్రపంచకప్లలో పాక్ జట్టుకు కెప్టెన్గా వ్యవహరించడం సహా 2003 వరకు జట్టులో కొనసాగాడు అక్రమ్.
ఇటీవల పాక్ మాజీ పేసర్ అతా ఉర్ రెహ్మాన్, మాజీ పీసీబీ చీఫ్ ఖలీద్ మహ్మద్, తౌకిర్ జియ్ కూడా అక్రమ్పై పలు ఆరోపణలు చేశారు.
