మాస్టర్ బ్లాస్టర్ సచిన్ తెందూల్కర్ తనను కలిసినపుడు బ్యాటింగ్లో మెళకువల కంటే మానసిక అంశాలనే ఎక్కువగా ప్రస్తావిస్తారని టీమ్ఇండియా యువ క్రికెటర్ పృథ్వీషా అన్నాడు. ఓ ఇండియన్ ఆయిల్ ఉద్యోగితో జరిగిన ఇన్స్టాగ్రామ్ లైవ్ సెషన్లో తాజాగా ఈ విషయాన్ని వెల్లడించాడు.
"నా ఎనిమిదేళ్ల వయసులో సచిన్ను కలిశా. ఆ రోజు నుంచి ఆయన నా మార్గదర్శకుడిగా ఉన్నారు. ఆయన దగ్గర నుంచి నేను చాలా నేర్చుకున్నా. మైదానంలో నిజ జీవితంలో ఎంత క్రమశిక్షణగా ఉంటారో తెలుసుకున్నా".
-పృథ్వీషా, టీమ్ఇండియా యువక్రికెటర్
బిజీ లైఫ్లోనూ సచిన్ తన ప్రాక్టీస్ చూడటానికి సమయాన్ని వెచ్చించడం ప్రత్యేకంగా భావిస్తానని అన్నాడు పృథ్వీ షా. "సచిన్ నా ప్రాక్టీస్ సమయంలో బ్యాటింగ్ టెక్నిక్ల కన్నా మానసిక అంశాలనే చర్చిస్తారు. సచిన్తో పాటు అనేక కోచ్ల మార్గదర్శకంలో నా కెరీర్ ఉత్తమంగా సాగుతోంది" అని తెలిపాడు పృథ్వీ షా.
రాజ్కోట్ వేదికగా వెస్టిండీస్తో జరిగిన మ్యాచ్తో పృథ్వీ టెస్టుల్లో అరంగేట్రం చేశాడు. అదే మ్యాచ్లో శతకంతో అలరించాడు. ఆస్ట్రేలియా సిరీస్లో గాయంతో, ఆ తర్వాత డోపింగ్ నిషేధం వల్ల కొంతకాలం జట్టుకు దూరమయ్యాడు.
ఇదీ చూడండి... 'మరి ఆ రోజుల్లో ఫోన్ మాట్లాడాలంటే..'
