టీమిండియా కెప్టెన్ విరాట్ కోహ్లీపై రాయల్ ఛాలెంజర్స్ బెంగళూరు కొత్త డైరెక్టర్ మైక్ హెసన్ ప్రశంసల వర్షం కురిపించాడు. దక్షిణాఫ్రికాతో బుధవారం జరిగిన మ్యాచ్లో అతడు అద్భుతంగా ఆడాడని అన్నాడు. విరాట్ గొప్ప సారథి అని, ఇండియన్ ప్రీమియర్ లీగ్లో(ఐపీఎల్)లో ఆర్సీబీ కెప్టెన్గా తనను తొలగించే అవకాశమే లేదని చెప్పాడు.
"కోహ్లీ ఆటను ఎప్పుడూ ఆస్వాదిస్తా. పెర్త్లో గత ఏడాది జరిగిన టెస్టులో విరాట్ శతకం అద్భుతం. నాకు నచ్చిన వాటిలో ముందువరుసలో ఉంటుందా సెంచరీ. క్రికెటర్గానే కాకుండా టీమిండియా కెప్టెన్గానూ అతడిని గౌరవిస్తా" --మైక్ హెసన్, ఆర్సీబీ డైరెక్టర్
బెంగళూరు కెప్టెన్గా విరాట్ను కాకుండా మరో పేరే అనుకోలేదని.. ఇందులో సందేహం అవసరం లేదని చెప్పాడు మైక్.
"ఆర్సీబీ కెప్టెన్గా విరాటే ఉంటాడు. అతడిని మార్చే ఉద్దేశం లేదు. గతంలో చేసిన తప్పులు పునరావృతం కాకుండా కోహ్లీ ముందుకు వెళ్లాలి. నా సలహాలు తీసుకునేందుకు ఎప్పుడు సంసిద్ధంగా ఉంటాడని ఆశిస్తున్నా" --మైక్ హెసన్, ఆర్సీబీ డైరెక్టర్
విరాట్, డివిలియర్స్ లాంటి దిగ్గజ ఆటగాళ్లున్నప్పటికీ ఇప్పటివరకూ ఒక్కసారైనా ఐపీఎల్ టైటిల్ గెలవలేకపోయింది ఆర్సీబీ. ఈ కారణంగా జట్టులో కీలక మార్పులపై దృష్టి పెట్టాడు మైక్ హెసన్. నిర్ధుష్టమైన ఆటగాళ్లనే ఎంచుకోవాలని, దేశవాళీ టోర్నీల్లో ప్రదర్శన ఆధారంగా వేలంలో వారిని కొనుగోలు చేయాలని సూచించాడు.
ఇదీ చదవండి: బాక్సింగ్ ఛాంపియన్షిప్లో భారత బాక్సర్లు రికార్డు
