క్రికెట్ దిగ్గజం సచిన్ తెందూల్కర్ పుట్టిన రోజు నేడు. ఈ సందర్భంగా సహచర ఆటగాళ్లు సామాజిక మాధ్యమాల ద్వారా శుభాకాంక్షలు చెప్పారు. ఇప్పటికే సచిన్ అభిమానుల పోస్టులతో ఆయన పేరు ట్రెండింగ్‌లో కొనసాగుతోంది. అయితే మాస్టర్కు క్రికెటర్లతో పాటు సినీ తారలు శుభాకాంక్షలు తెలుపుతున్నారు. మెగాస్టార్ చిరంజీవి కూడా సచిన్కు బర్త్డే విషెష్ తెలియజేశారు.
- "క్రికెట్ దేవుడికి పుట్టినరోజు శుభాకాంక్షలు. దేశం గర్వించదగ్గ ఒకే ఒక్క మాస్టర్ బ్లాస్టర్ సచిన్. మరెన్నో తరాలకు మీరు స్ఫూర్తిని కలిగిస్తూనే ఉండాలి" -చిరంజీవి
- "ఇది నిజం. ఒక గొప్ప వ్యక్తి బ్యాటింగ్‌ చేస్తూ భారత్‌లో సమయాన్ని ఆపగలిగేవాడు. అయితే, సచిన్ కెరీర్‌లో అతిపెద్ద స్ఫూర్తి ఏదైనా ఉందంటే అది ఈ రెండు చిత్రాల్లోనే దాగి ఉంది. ప్రతీ కష్టం వెనుక ఓ విజయం ఉంటుంది. ఇలాంటి విపత్కర పరిస్థితుల్లో దీన్ని తప్పకుండా గుర్తుచేసుకోవాల్సిన అవసరం ఉంది. హ్యాపీబర్త్‌డే సచిన్" -సెహ్వాగ్‌
- "క్రికెట్ ఆటపై ఉన్న మక్కువతో ఎంతో మందికి స్ఫూర్తిగా నిలిచిన వ్యక్తికి పుట్టిన రోజు శుభాకాంక్షలు." -విరాట్‌ కోహ్లీ
- "తన బ్యాటింగ్‌తో మంత్రముగ్ధుల్ని చేసిన క్రికెట్ లెజెండ్‌ మాస్టర్ బ్లాస్టర్‌కు జన్మదిన శుభాకాంక్షలు. మీ రికార్డుల వలే మీ జీవితం కూడా మరింత మెరవాలి." -యువరాజ్‌ సింగ్‌
- "సచిన్ తెందూల్కర్‌కు పుట్టిన రోజు శుభాకాంక్షలు. ఎల్లప్పుడూ ఆయురారోగ్యాలతో సంతోషంగా జీవించండి." -సౌరభ్‌ గంగూలీ
- "హ్యాపీబర్త్‌డే పాజీ. మీ కుటుంబంతో ఈ రోజును ఆస్వాదించండి. త్వరలోనే కలుస్తా. జాగ్రత్తగా ఉండండి. ఎంతో ప్రేమతో.." -హర్భజన్‌సింగ్‌
- "ప్రియమైన వ్యక్తికి పుట్టిన రోజు శుభాకాంక్షలు. మీరు ఎప్పుడూ ఇలాగే స్ఫూర్తిప్రధాతగా నిలుస్తూనే ఉండాలి. మీరు చేసే ప్రతి పనిలో అన్నీ విజయాలే సాధించాలి." -వీవీఎస్‌ లక్ష్మణ్‌
- "జన్మదిన శుభాకాంక్షలు సచిన్ పాజీ. మీరెప్పుడూ ఆరోగ్యంగా, సంతోషంగా ఉండాలని కోరుకుంటున్నా. మీతో కలిసి ఎన్నో అద్భుతమైన ఇన్నింగ్స్‌లు ఆడడం నేను చేసుకున్న అదృష్టం. మరీ ముఖ్యంగా నా తొలి శతకంతో పాటు మీ వందో శతకం కూడా.." -సురేశ్‌ రైనా
