ఇంగ్లాండ్తో జరిగిన మూడో టీ20లో టీమ్ఇండియా పరాజయం చెందింది. మొదట టాస్ గెలిచిన ఇంగ్లాండ్ బౌలింగ్ ఎంచుకుని ఛేదనను సులభంగా పూర్తి చేసింది. అయితే ఇప్పటివరకు ఈ సిరీస్లో జరిగిన మూడు మ్యాచ్ల్లోనూ టాస్ గెలిచిన జట్టునే విజయం వరించింది. అదీ ఛేదన జట్టే గెలిచింది. తాజాగా ఈ విషయపై స్పందించాడు ఇంగ్లాండ్ మాజీ క్రికెటర్ మైఖెల్ వాన్. త్వరలో భారత్లో టీ20 ప్రపంచకప్ జరగనున్న నేపథ్యంలో ఆసక్తికర వ్యాఖ్యలు చేశాడు.
"చూస్తుంటే భారత్లో జరగబోయే టీ20 ప్రపంచకప్లో ఉత్తమ టాసర్ (టాస్ గెలిచే జట్టు) విజేతగా నిలిచేలా ఉంది" అంటూ ట్వీట్ చేశాడు వాన్.
ఇప్పటివరకు ఆడిన మూడు మ్యాచ్ల్లో టాస్ కీలకపాత్ర పోషించింది. మొదటి, మూడో మ్యాచ్ల్లో ఇంగ్లాండ్ టాస్ గెలవగా, రెండో మ్యాచ్లో భారత్ను టాస్ వరించింది. ఈ మూడు మ్యాచ్ల్లోనూ టాస్ గెలిచిన కెప్టెన్ ఫీల్డింగ్ తీసుకోవడం విశేషం.
