భారత మాజీ ఆటగాడు కపిల్ దేవ్ ఎవరకీ దక్కని గౌరవం అందుకున్నాడు. హరియాణాకు చెందిన ఈ దిగ్గజ క్రికెటర్ ఆ రాష్ట్ర క్రీడా వర్సిటీకి మొదటి ఛాన్సలర్గా నియమితులయ్యాడు. ఈ విషయాన్ని హరియాణా మంత్రి అనిల్ విజ్ శనివారం ప్రకటించారు.
"హరియాణా క్రీడా విశ్వవిద్యాలయానికి తొలి ఛాన్సలర్గా కపిల్ దేవ్ నియమితులయ్యారు. రాష్ట్ర మంత్రి మండలి ఆమోదంతో ఆయనకు ఈ బాధ్యతలు అప్పగించాం. ఫిజికల్ ఎడ్యుకేషన్, స్పోర్ట్స్ సైన్సెస్కు సంబంధించిన ట్రైనింగ్ ప్రోగ్రామ్లు నిర్వహించేందుకు ఈ వర్సిటీకి అధికారాలు ఉన్నాయి. -అనిల్ విజ్, హరియాణా రాష్ట్ర మంత్రి.
ఈ విశ్వవిద్యాలయం రాయ్లోని సోనిపత్లో ఉంది. క్రీడలకు సంబంధించి స్పోర్ట్స్ టెక్నాలజీ, స్పోర్ట్స్ జర్నలిజం లాంటి కీలక విభాగాలన్నీ ఈ వర్సిటీలో ఉన్నాయి.
ఇవీ చూడండి.. హైదరాబాద్కు కెప్టెన్గా అంబటి రాయుడు
