2020 ఏడాదిని సెంచరీతో ముగించి.. కొత్త ఏడాదిలో మరో శతకంతో అదరగొట్టాడు న్యూజిలాండ్ కెప్టెన్ కేన్ విలియమ్సన్. గతేడాది సెంచరీతో బ్యాట్స్మన్గా టెస్టు ర్యాంకింగ్స్లో అగ్రస్థానానికి చేరుకున్నాడు. తాజాగా ఈ దశాబ్దపు తొలి సెంచరీని చేసి రికార్డులకెక్కాడు.
క్రైస్ట్చర్చ్ వేదికగా పాకిస్థాన్తో జరుగుతోన్న రెండో టెస్టు తొలి ఇన్నింగ్స్లో 175 బంతులను ఎదుర్కొన్న విలియమ్సన్.. 112 పరుగులు చేసి నాటౌట్గా నిలిచాడు. ఈ మ్యాచ్లో మొత్తంగా 16 ఫోర్లు బాదాడు. ఫలితంగా రెండో రోజు ఆట ముగిసే సమయానికి 3 వికెట్లు కోల్పోయిన కివీస్ జట్టు 286 పరుగులు చేసింది. ప్రస్తుతం పాక్ జట్టు కంటే 11 రన్స్ వెనుకబడి ఉంది.
వరుసగా మూడు టెస్టుల్లో సెంచరీ చేసిన నాలుగో కివీస్ ఆటగాడిగా ఘనత సాధించాడు విలియమ్సన్. ఇతడి కంటే ముందు ఆ దేశానికి చెందిన మార్క్ బర్గీస్ (1969-72), రాస్ టేలర్ (2013), టామ్ లాథమ్ (2018-19)లు ఉన్నారు.
ఆరు దశాబ్దాలుగా తొలి అంతర్జాతీయ సెంచరీ చేసిన ఆటగాళ్లు
1971 - బాయ్కాట్
1981 - గ్రెగ్ చాపెల్
1991 - గ్రెగ్ మాథ్యూస్
2001 - డారిల్ కుల్లినన్
2011 - జాక్ కలిస్
2021 - కేన్ విలియమ్సన్*
ఇదీ చూడండి: 'రోహిత్ను ఔట్ చేయడం పెద్ద సవాల్'
