హర్మన్ప్రీత్ కౌర్.. ప్రస్తుతం టీమిండియా మహిళా టీ20 జట్టు కెప్టెన్. అయితే ఈ మెగాటోర్నీలో తాజాగా ఫైనల్ చేరింది భారత్. ఫలితంగా మార్చి 8న మెల్బోర్న్ వేదికగా తుదిపోరులో ఆస్ట్రేలియాతో తలపడనుంది. ఇదే రోజున ఈ క్రికెటర్ పుట్టినరోజు కావడం వల్ల టీమిండియాలో మరింత జోష్ పెరిగింది. ఆమెకు కప్ను బహుమతిగా ఇవ్వాలని సహఆటగాళ్లు భావిస్తున్నారు. ఇప్పటివరకు చరిత్రలో ఏ క్రికెటర్ బర్త్డే రోజున టైటిల్ పోరు జరగలేదు. ఈ ఘనత సాధించిన తొలి మహిళ హర్మన్ కావడం విశేషం. ఇదే రోజున అంతర్జాతీయ మహిళా దినోత్సవం అవ్వడం గమనార్హం.
ఇద్దరి జెర్సీ ఒక్కటే...
కపిల్దేవ్ తర్వాత 28 ఏళ్లకు ఐసీసీ పురుషుల వన్డే ప్రపంచకప్ తెచ్చాడు ధోనీ. అతడి జెర్సీ నెంబర్ 7. తాజాగా ఫైనల్కు చేరిన టీమిండియా సారథి హర్మన్ జెర్సీ నెంబర్ 7. ఈ నేపథ్యంలో మహీ హిస్టరీ.. హర్మన్ రిపీట్ చేస్తుందని నెటిజన్లు కామెంట్లు పెడుతున్నారు.
ఇదీ చూడండి.. టీ20 మహిళా ప్రపంచకప్: దక్షిణాఫ్రికా లక్ష్యం 135
