కరోనా కారణంగా ఐపీఎల్ ఏప్రిల్ 15కు వాయిదా పడింది. కానీ అప్పుడూ ప్రారంభమయ్యే సూచనలు కనిపించట్లేదు. తాజాగా దీనిపై స్పందించాడు టీమ్ఇండియా మాజీ క్రికెటర్ ఆశిష్ నెహ్రా. లీగ్ అక్టోబర్లో జరిగే అవకాశం ఉందని తెలిపాడు.
"ఐపీఎల్ ఆగస్టులో కూడా జరిగే అవకాశం లేదు. ఎందుకంటే ఆ సమయంలో చాలా రాష్ట్రాల్లో వర్షం అడ్డంకిగా మారుతుంది. అందువల్ల ఎక్కువ మ్యాచ్లు తుడిచిపెట్టుకుపోయే అవకాశం ఉంది. ఒకవేళ పరిస్థితులు అక్టోబర్లోపు సద్దుమణిగితే ఐపీఎల్ ఈ ఏడాది కచ్చితంగా జరుగుతుంది."
-నెహ్రా, టీమ్ఇండియా క్రికెటర్
కరోనా ప్రభావం కారణంగా మార్చి 29న జరగాల్సిన ఐపీఎల్ ఏప్రిల్ 15కు వాయిదా పడింది. అయితే ఈ తేదీనా జరిగే అవకాశం కనిపించడం లేదు. ఎందుకంటే దేశంలో లాక్డౌన్ ఏప్రిల్ 14తో ముగుస్తుంది. కానీ లాక్డౌన్ను పొడిగించే యోచనలో కేంద్రప్రభుత్వం ఉన్నట్లు వార్తలు వస్తున్నాయి. దీనిపై ఇంకా స్పష్టత లేదు.
