దుమ్ములేపిన కైఫ్​, పఠాన్- ఇండియా లెజెండ్స్​ విజయం

రోడ్డు భద్రత అవగాహన టీ20 సిరీస్​​లో భాగంగా శ్రీలంక లెజెండ్స్​తో జరిగిన మ్యాచ్​లో ఇండియా లెజెండ్స్​ 5 వికెట్ల తేడాతో గెలుపొందింది. తొలుత బ్యాటింగ్​ చేసిన లంక ఆటగాళ్లు.. నిర్ణీత 20 ఓవర్లలో 8 వికెట్ల నష్టానికి 138 పరుగులు చేశారు. భారత బ్యాటింగ్​లో కైఫ్​, పఠాన్​​ రాణించారు.

రోడ్డు భద్రత అవగాహన టీ20 సిరీస్​లో భాగంగా ముంబయి వేదికగా జరిగిన మ్యాచ్‌లో.. శ్రీలంక లెజెండ్స్‌ ఇచ్చిన 139 పరుగులు లక్ష్యాన్ని అలవోకగా ఛేదించింది ఇండియా లెజెండ్స్‌. భారత బ్యాటింగ్​లో ఇర్ఫాన్​ పఠాన్​(57), కైఫ్​(46) రాణించారు.

ఛేదనలో సచిన్​(0), సెహ్వాగ్​(3), యువరాజ్​(1) తక్కువ పరుగులకే పెవిలియన్​ చేరినా.. కైఫ్​ నెమ్మదిగా ఇన్నింగ్స్​ నడిపించాడు. బంగర్​(18) సాయంతో కీలక భాగస్వామ్యం నెలకొల్పాడు. ఆఖర్లో పఠాన్​ తనదైన శైలిలో విరుచుకుపడ్డాడు. అర్ధశతకం చేసిన పఠాన్​.. 6 ఫోర్లు, 3 సిక్సర్లు సాధించాడు. కేవలం 31 బంతుల్లోనే ఇన్ని పరుగులు సాధించాడు.

• Take a bow @IrfanPathan! A fantastic 50! @Colors_Cineplex @viacom18 @unacademy @royalenfield @IndiaLegends1 @LegendsSri #phirdobara #unacademyroadsafetyworldseries #YehJungHaiLegendary #LegendsAreBack #raveegaekwad #royalenfield #voot pic.twitter.com/qgm9kCRbi3

  — Road Safety World Series (@RSWorldSeries) March 10, 2020 " class="align-text-top noRightClick twitterSection" data="

  Take a bow @IrfanPathan! A fantastic 50! @Colors_Cineplex @viacom18 @unacademy @royalenfield @IndiaLegends1 @LegendsSri #phirdobara #unacademyroadsafetyworldseries #YehJungHaiLegendary #LegendsAreBack #raveegaekwad #royalenfield #voot pic.twitter.com/qgm9kCRbi3

  — Road Safety World Series (@RSWorldSeries) March 10, 2020

  ">

  Take a bow @IrfanPathan! A fantastic 50! @Colors_Cineplex @viacom18 @unacademy @royalenfield @IndiaLegends1 @LegendsSri #phirdobara #unacademyroadsafetyworldseries #YehJungHaiLegendary #LegendsAreBack #raveegaekwad #royalenfield #voot pic.twitter.com/qgm9kCRbi3

  — Road Safety World Series (@RSWorldSeries) March 10, 2020

ఓపెనింగ్​ ఫర్వాలేదు..

టాస్‌ ఓడి బ్యాటింగ్‌కు దిగిన శ్రీలంకకు శుభారంభం దక్కింది. ఓపెనర్లు దిల్షాన్‌ 23(23 బంతుల్లో; 4 ఫోర్లు), కలువితరణ 21(25 బంతుల్లో; 4ఫోర్లు) తొలి వికెట్‌కు 46 పరుగులు జోడించారు. దిల్షాన్‌ను మునాఫ్‌ పటేల్‌ ఔట్‌ చేసి ఈ జోడీని విడదీశాడు. ఆ తర్వాత కొద్దిసేపటికే కలువితరణను ఇర్ఫాన్‌ పఠాన్‌ పెవిలియన్‌కు చేర్చాడు. తర్వాత వచ్చిన ఆటపట్టు (1), తుషారా (10) కూడా క్రీజులో ఎక్కువసేపు నిలవలేకపోయారు.

ఈ దశలో బ్యాటింగ్‌కు వచ్చిన సచిత్ర సేననాయక 19(15 బంతుల్లో; 3 ఫోర్లు)తో కలిసి కపుగెదర 23(17 బంతుల్లో; 3ఫోర్లు) ఇన్నింగ్స్‌ను చక్కదిద్దాడు. వీరిద్దరు చక్కని షాట్లతో అలరించారు. ఫలితంగా శ్రీలంక నిర్ణీత 20 ఓవర్లలో ఎనిమిది వికెట్ల నష్టానికి 138 పరుగులు చేసింది.

ఇండియా లజెండ్స్‌ బౌలర్లలో మునాఫ్‌ పటేల్‌ నాలుగు వికెట్ల(4/19)తో సత్తాచాటాడు. జహీర్‌ ఖాన్‌, ఇర్ఫాన్‌ పఠాన్‌, మన్‌ప్రీత్‌ గోని, సంజయ్‌ బంగర్‌ తలో వికెట్‌ తీశారు. ఈ మ్యాచ్‌లో మహ్మద్‌ కైఫ్‌ అద్భుత ఫీల్డింగ్‌తో ఆకట్టుకున్నాడు. మునపటిలా అతడు డైవ్‌లు చేస్తూ ఫీల్డింగ్‌ చేయడం విశేషం. రోడ్డు భద్రతపై అవగాహన పెంచేందుకు నిధుల సేకరణ కోసం మహారాష్ట్ర ప్రభుత్వం వరల్డ్‌ సిరీస్‌ను నిర్వహిస్తోంది.