భారత్తో టీ20 సిరీస్కు ఇంగ్లాండ్ ఆల్రౌండర్ జోఫ్రా ఆర్చర్ దూరమయ్యే అవకాశాలు కనిపిస్తున్నాయి. అతడు మోచేతి గాయంతో బాధపడుతున్నాడని ప్రధాన కోచ్ సిల్వర్వుడ్ తెలిపాడు. ఇటీవల జరిగిన టెస్టు సిరీస్లోనూ మోచేతి గాయం కారణంగా రెండో, నాలుగో టెస్టుల్లో ఆర్చర్ ఆడలేదు.
జోఫ్రా పరిస్థితిని వైద్య బృందం పర్యవేక్షిస్తుందని.. వైద్యుల సూచనల మేరకు త్వరలోనే ఒక నిర్ణయం తీసుకుంటామని ఇంగ్లాండ్ ప్రధాన కోచ్ క్రిస్ సిల్వర్వుడ్ తెలిపాడు.
ఆర్చర్ మోచేయి వద్ద కొంచెం మంటగా ఉంది. గాయం తీవ్రతను వైద్య బృందం సమీక్షిస్తుంది. అయినప్పటికీ.. ఈ రోజు ప్రాక్టీస్ సెషన్లో జోఫ్రా పాల్గొన్నాడు. అతని పరిస్థితిని ఎప్పటికప్పుడు పర్యవేక్షిస్తూనే ఉన్నాం. సిరీస్కు అందుబాటులో ఉండేది.. లేనిది వెల్లడిస్తాం.
-క్రిస్ సిల్వర్వుడ్, ఇంగ్లాండ్ ప్రధాన కోచ్.
ఇప్పటికే టెస్టు సిరీస్ను కోల్పోయిన ఇంగ్లాండ్.. ఇక పరిమిత ఓవర్ల సమరం కోసం సన్నద్ధం అవుతోంది. భారత్తో జరగనున్న 5 మ్యాచ్ల టీ20 సిరీస్ మార్చి 12 నుంచి ప్రారంభం అవుతుంది.
ఇదీ చదవండి: గ్రౌండ్లోనే కాదు.. ఇక్కడా ఆడుతామంటున్న క్రికెటర్లు
