భవిష్యత్తులో తన బయోపిక్ తీస్తే అందులో, బాలీవుడ్ హీరో సల్మాన్ఖాన్ నటించాలని కోరుకుంటున్నట్లు పాకిస్థాన్ మాజీ పేసర్ షోయబ్ అక్తర్ తెలిపాడు. తాజాగా జరిగిన ఓ లైవ్సెషన్లో మాట్లాడుతూ ఈ విషయాన్ని వెల్లడించాడు.
"గత పదేళ్ల నుంచి సల్మాన్ యాక్షన్ సినిమాలు చేస్తున్నాడు. అతడికి అభిమానులు చాలా మంది ఉన్నారు. బ్లాక్బాస్టర్ హిట్లతో తన కెరీర్ దూసుకెళ్తోంది. దీనితో పాటు బిగ్బాస్ రియాల్టీ షోకు వ్యాఖ్యాతగా వ్యవహరిస్తున్నాడు. కాబట్టి అతడైతే నా బయోపిక్కు సరిగ్గా సరిపోతాడు"
- అక్తర్, పాక్ మాజీ క్రికెటర్
పాక్ తరఫున మొత్తంగా 224 మ్యాచులాడి 444 వికెట్లు తీశాడు అక్తర్. ఇటీవల పీసీబీ లీగల్ ఎడ్వైజర్ రిజ్వీపై వివాదస్పద వ్యాఖ్యలు చేయడం వల్ల ఇతడిపై పరువునష్టం దావా వేశారు.